El Conciyu de Ḷḷena al traviés del Serviciu de Normalización Llingüística presenta una campaña d’apoyu al Comerciu Local aprovechando la celebración del Día de la Madre.

La campaña consiste nel repartu a los establecimientos interesaos d’una pegatina cola lleenda “Ma, yes lo más” pa poner nos paquetes de regalu que se puedan repartir cola celebración del Día de la Madre que supón una época de gran venta nos comercios. 

Merca en Ḷḷena, merca en casa, ye l’eslogan col que se pretende fomentar ente la ciudadanía el valor del comerciu del Ḷḷena, fomentando tamién l’usu de la llingua asturiana como una marca de cercanía y identidá colos vecinos y vecines.

La iniciativa enmárcase dientro de les campañes que vien desenvolviendo’l Serviciu de Normalización Llingüística pal comerciu local, como la cartelería de rebaxes, o tamién un repartu de pegatines que se va facer coincidiendo cola campaña de navidá del 2026.

El repartu de pegatines va facese a partir del día 27 d’abril, como yá s’informó a les persones responsables de los comercios. En casu de que nun llegara la información o la cartelería, los comercios que tengan interés pueden ponese en contactu col Serviciu de Normalización Llingüística nel corréu normastur@aytolena.es