Concurso de escaparates de Navidad 2017 - ayto-lena
Estas en:
Concursu d'escaparates de Navidá 2017
BASES:
1º TEMA Y FECHES
Les feches d'exhibición son les comprendíes ente'l 15 de diciembre del 2017 y el 6 de xinero del 2018, dambos dos incluíos. El tema deberá tar relacionao cola Navidá.
2º INSCRIPCIÓN
Podrán concursar tolos establecimientos comerciales de La Pola, sea cual sea l'actividá. La inscripción ye gratuita y va facese nel Rexistru d'Entrada del Conciyu de L.lena (Parque La Eria, nu6), n'horariu de 9:00 a 14:00 hores, onde va facilitase'l formulariu d'inscripción y va entregase-yos el distintivu qu'obligatoriamente debe tar nel escaparate. Cada comerciu deberá indicar la modalidá na que quiera participar.
El plazu d'nscripción comenzará'l día 4 de diciembre a les 9 hores y remata'l día 15 de diciembre a les 14 hores.
3º CONDICIONES DE PARTICIPACIÓN
Los escaparates que participen han tar colocaos el día 15 de diciembre y nun podrán modificase hasta'l 6 de xinero del 2018.
Deberá tar visible'l distintivu del concursu facilitáu pol Conciyu. L'ausencia d'esta acreditación implicará la descalificación del establecimiento participante.
Van iluminase los escaparates como mínimo hasta les 10 de la nueche.
El númberu mínimu de participantes pa llevar alantre esti concursu ha ser de dos comercios en cada categoría. En casu de nun alcanzar esta cifra, el concursu nun se fadrá.
En tando colocaos los escaparates y, hasta'l día 15 inclusive, cada comerciu participante ha adxuntar una semeya vía email a cualquiera de la direcciones siguientes : festejos@aytolena.es o comercio@aytolena.es. Toles semeyes de los establecimientos participantes, van colgase na páxina web del Conciyu.
4º VALORACIÓN
Pa la valoración de los escaparates participantes el xuráu tendrá en cuenta los aspectos siguientes :
- Modernidá y innovación
- Calidá
- Orixinalidá
- Iluminación
- Exposición del propiu productu
- Utilización o inclusión na decoración navideña del productu que venda cada negociu
5º PUNTUACIONES
Va puntuase l'escaparate de 0 a 10 puntos. La suma de tolos puntos recibíos van dar los ganadores d'esti concursu. En casu d'empate, va volvese a puntuar ente los empataos, pero nesta ocasión del 1 al 2, así sucesivamente hasta qu'haya dos ganadores claros .
El fallu del xuráu sedrá inapelable pudiendo declarar desiertu toos o caún de los premios previstos.
El xuráu visitará los comercios nos díes siguientes al cierre del plazu de solicitúes, ensin que pa ello haya que mediar avisu previu al comerciante.
6º MODALIDAES Y PREMIOS
Establécense les siguientes modalidaes y premios:
- Meyor escaparate de Textil, Moda y Complementos: 100 euros.
- Meyor escaparate d'Alimentación: 100 euros.
- Meyor escaparate de Peluqueríes y Farmacies: 100 euros.
- Meyor escaparate d'Hogar y otros: 100 euros.
El comerciu con más puntuación de toles modalidaes recibirá'l Premiu de Meyor Escaparate Navideñu y un premiu de 200 euros, pero nun podrá optar al premiu de la modalidá na que s'inscribieran.
7º ACEPTACIÓN
La participación nel DécImu Concursu d'Escaparates Navideños, lleva implícita l'aceptación íntegra d'estes Bases.
8º RESULTÁU Y ENTREGA DE PREMIOS
El fallu del xuráu va se dase a conocer nel Salón de Plenos del Conciyu'l día 4 de xinero del 2018 a les 12 hores y, una vez fecho'l mesmu, comunicaráse a los ganadores el día y hora en que va facese la entrega de premios.