El xuráu de Cuentos Ḷḷena, nomáu a propuesta de la Comisión Municipal de Cultura, presidíu pol Conceyal de Cultura, Educación y Política Ḷḷingüística Don David Suárez Rodríguez y como vocal del mesmu Don Roberto García Álvarez decidió conceder el premiu nesta edición 2021 a Don PEDRO LUIS GIL ESCUDERO, vecín de Cartagena (Murcia), pol cuentu tituláu "El perdón de Dios" dotáu con 3000 Euros.

Pedro Luis Gil Escudero (Zaragoza, 1963) residente en Cartaxena, Murcia, empresariu y músicu qu'entama relativamente fai pocu tiempu a escribir, presentando'l primer relatu que resulta finalista del "XXVIII Certamen de Humor Jara Carrillo". Ante tan xenerosa acoyida, inténtalo otra vuelta nel "XXI Concurso de Tanatocuentos" de la Revista Adiós obteniendo un alentador segundu puestu.

Nesta edición del certame recibiéronse 296 orixinales procedentes de México, Perú, Arxentina, Bélxica, Francia, Israel, Alemaña, así como de distintos ḷḷugares d'España. Tamién de La Pola y cuentos n'asturianu.

L'actu d'entrega fadráse prósimu día 8 d'ochobre, a les 19:00 hores nun actu institucional nel salón de plenos de la Casa Conceyu al empar de "Les Feries"

Dende'l Conciyu Ḷḷena, damos la norabuena al ganador y queremos agradecer el bon ḷḷabor del xuráu una vuelta más a los que tamién-yos damos les gracies al igual que toles y tolos participantes.

Un candial saludu y hasta la edición del 2022 (la númberu LIX)