El xuráu de Cuentos L.lena, nomáu a propuesta de la Comisión Municipal de Cultura, presidíu pol Conceyal de Cultura, Educación y Política Llingüística David Suárez Rodríguez y como portavoz del mesmu Don Roberto García Álvarez decidió conceder por unanimidá'l premiu nesta edición 2020 a Don Miguel Sánchez Robles, vecín de Caravaca de la Cruz (Murcia), pol cuentu tituláu "Aquel día en el que Dios se olvidó de nosotros" dotáu con 3000 euros.

Miguel Sanchez Robles catedráticu de Xeografía y Historia, amás d'escritor. Recibió múltiples premios tanto de poesía como de relatu breve y de novela. Yá algamó'l premiu Internacional de Cuentos Lena na XLIII edición (2006) col cuentu tituláu "Elegía Epistolar de la niña que no tuvo un caballo".

Asina, ente los premios de poesía figuren: "Vicente Nuñez", "Miguel Hernández", "José Zorrilla", "Leonor", "Esquío", "Barcarola", "Vicente Aleixandre", "Ciudad de Irún", "Antonio Oliver Belmás", "Universidad de Murcia", "Blas de Otero", "Claudio Rodríguez" y "Gabriel Celaya", ente otros. En relatu breve galardonáronlu con munchos de los premios más relevantes d'España y en novela curtia alzóse col "Torrente Ballester", "Javier Tomeo" de la Universidá 'Rey Juan Carlos' de Madrid pola novela 'Corazones de cordero', el "Fray Luis de León" por 'La tristeza del barro' y el de la Diputación de Córdoba por 'Donde empieza la Nada', ente otros.

Nesta edición del certame recibiéronse 387 orixinales procedentes de México, Chile, Israel, Costa Rica, Arxentina, Luxemburgo, Colombia, Estados Uníos, Bahrein, Alemania, Ecuador, de toles Comunidaes Autónomes d'España, cinco de La Pola y tamién se recibieron cuatro cuentos en llingua asturiana.

La entrega del premiu siempre se fizo nes fiestes de La Flor. Esti añu y por cuenta de la situación causada pola crisis sanitaria, l'actu d'entrega  celebraráse nel mes d'octubre, coincidiendo con "Les Feries".

Dende¡l  #AytoLena damos la enhorabuena al ganador y queremos agradecer l'impecable llabor del xuráu una vez más a los que tamién-yos damos les gracies, igual qu'a toes y toos los que participaron.

Un saludu afectuosu y hasta la edición del 2021 (la númberu LVIII).

#Lenadestíncultural #CulturaLena #CertamenInterancionalCuentosLena #Lena #Asturias