El cementeriu de La Pola (Lena) amplía l'horariu d'apertura por cuenta de la festividá de Tolos Santos

La Pola (Lena), 30 d'octubre del 2026.

Por cuenta de la celebración del Día de Tolos Santos, el cementeriu de La Pola (Lena) amplía l'horariu d'apertura en determinaes xornaes, col oxetivu de facilitar les visites de familiares y persones allegaes nestes feches tan señalaes.

Con calter xeneral, l'horariu habitual d'apertura del cementeriu ye'l siguiente:

• De llunes a vienres: de 8:30 a 18:30 hores, de forma ininterrumpida.

• Sábados, domingos y festivos: de 8:30 a 13:30 hores.

Sicasí, por cuenta de la proximidá de la festividá de Tolos Santos, los pasaos díes 24 y 25 d'octubre el cementeriu yá permaneció abiertu de 8:30 a 18:30 hores, ampliando asina, l'horariu habitual de fin de selmana.

Asimismo, el próximu sábadu 31 d'octubre, víespora del Día de Tolos Santos, el recintu va volver a contar con esti horariu ampliáu, permaneciendo abiertu de 8:30 a 18:30 hores de forma ininterrumpida.

Per otru llau, recuérdase que'l domingu 1 de noviembre, Día de tolos Santos, a partir de les 13:00 hores, l'estacionamientu na esplanada del cementeriu queda reserváu namás a vehículos autorizaos que tresporten a persones que vayan a asistir a los actos relixosos previstos y que, por motivos de movilidá reducida, nun puedan acceder caminando al recintu.

Los oficios relixosos van celebrase esi mesmu domingu, a les 16:00 hores, por lo que se ruega a los asistentes que respeten les indicaciones relatives al estacionamientu, col fin de facilitar l'accesu de les persones con dificultaes de movilidá.

Con estes midíes preténdese facilitar les visites al cementeriu y favorecer  desenvolvimientu adecuáu de los actos programaos por cuenta de la festividá de Tolos Santos, unes feches nes que tradicionalmente se rexistra una mayor afluencia de persones qu'acuden a honrar y recordar a los sos seres queríos.

RESTRICCIONES APARCAMIENTU (24/10/2026-1/11/2026)

PROHIBICIÓN D'ESTACIONAR ESPLANADA CEMENTERIU