El vienres pasáu 26 d'octubre, recibióse la comunicación de la Secretaría Permanente del Programa Ciudaes Amigues de la Infancia (CAI) informando de la concesión al nuestru conciyu del Reconocimientu como Ciudá Amiga de la Infancia pal periodu 2018 - 2022.

Depués de la reunión del Conseyu d'Infancia y Adolescencia de L.lena celebrada'l 23 de xinero del 2018, el Conciyu de L.lena concurre a la VIII Convocatoria del Reconocimientu de Ciudaes Amigurs de la Infancia 2018 - 2022.

N'ellaborada y presentada tola documentación requerida na mesma, y depués de la evaluación por parte de la Secretaría Permanente del Programa CAI (formada por miembros d'UNICEF Comité Español, del Ministeriu de Sanidá, Consumu y Bienestar Social, de la Federación Española de Municipios y Provincias-FEMP, y del Institutu Universitariu de Necesidaes de Derechos de la Infancia y l'Adolescencia-IUNDIA), ésta acordó galardonar al Conciyu de L.lena col Reconocimientu de Ciudá Amiga de la Infancia.

El Reconocimientu pon en valor el llabor del Conciyu, en collaboración coles entidaes locales y colos nenos y nenes, pa lliderar el procesu continuu d'implementación de polítiques y midíes que meyoren el bienestar de la Infancia y l'Adolescencia nel conciyu.

L'actu d'entrega del galardón va facese n'Uvieo'l  próximo 27 de noviembre del 2018, a les 11 hores, nel Palaciu d'Exposiciones y Congresos d'Uvieo.