Na tarde del martes pasáu  30 de mayu celebróse nel salón d'actos del Hotel d'Asociaciones de La Pola, l'actu de cierre de les actividaes de los GRUPOS DE PARTICIPACIÓN INFANTIL Y ADOLESCENTE DE ḶḶENA, correspondientes al cursu 2022-2023.

A dichos actos asistieron amás de los nenos, nenes y adolescentes que formen los grupos de participación, les familias y miembros adultos del Conseyu d'Infancia y Adolescencia de Ḷḷena, a quien s'invitó.

Los actos tuvieron un calter interxeneracional bien macáu pues nellos participaron tanto les nenes, nenos y adolescentes como les persones mayores que formen el grupu de teatru de la Casa d'Alcuentru de les Muyeres de Ḷḷena. El teatru de marionetes del grupu de participación fizo una reivindicación del derechu a la participación y una petición a les persones adultes pa que tengan más en cuenta les sos opiniones, especialmente naquellos asuntos que-yos afecten. La obra representada pol grupu de teatru ambientábase nuna escuela de fai munchos años, na que se podíen ver dellos tópicos especialmente relacionaos cola educación de les muyeres, que col pasu de los años y col trabayu fechu n'igualdá, va superándose.

Tamién s'informó de que nunes selmanes saldrá a la lluz el II PLAN D'INFANCIA Y ADOLESCENCIA DE ḶḶENA, que con una aportación primordial de los nenos, nenes y adolescentes de los Grupos de Participación y de los Foros d'Infancia y Adolescencia, amás de les persones adultes que formen parte del Conseyu d'Infancia y Adolescencia de Ḷḷena, aprobóse'l pasáu 20 d'abril del 2023. El documentu final va poder vese na páxina web del Conciyu Ḷḷena www.aytolena.es/pia a lo llargo d'esti veranu.

El cursu que vien va siguir el trabayu de los GRUPOS DE PARTICIPACIÓN INFANTIL Y ADOLESCENTE DE ḶḶENA polo que dende equí animamos a nenos, nenes y adolescentes de Ḷḷena a formar parte d'ellos.