Como tolos años con motivu de les Fiestes de La Flor, promuévese dende l'Ária de Festexos del Conciyu, la organización d'un Mercáu Tradicional que se va celebrar el sábado 2 y el domingo 3 d'abril del 2016.

Cualquier Asociación ensin ánimu d'arriquecimientu del conciyu, inscrita nel rexistru del Conciyu, pue optar a la so organización, previa presentación d'un Proyectu detalláu de les actividaes a desenvolver. Va presentase ensin que conste, de manera visible, l'Asociación que lo fai, los datos dirán nun sobre aparte (plica).

La fecha final pa presentar dichu proyectu finaliza el llunes 14 de marzo.

Condiciones:

1. El Conciyu subvenciona dicha actividá con 12.000¿, quedando retenío esti importe que se reseña na partida 338-48000 del Presupuestu Municipal vixente. Del importe indicáu va adelantase'l 50%, abonándose'l 50% restante cuando se presenten les factures xustificatives de les actividaes obrantes nel proyectu, teniendo con fecha límite'l 30/06/2016.
2. El Conciyu va facese cargu de la instalación del sistema eléctricu necesariu.
3. L'Asociación ha encargase del montaxe, desmontaxe y llimpieza de tolos elementos y espacios utilizaos pal desenvolvimientu de dicha actividá.
4. L'Asociación ha coordinase cola Policía Local, Protección Civil y Cruz Roja.
5. L'Asociación organizadora comprométese tamién a la contratación, de polo menos dos grupos de música que van actuar  nun escenariu contratáu pa tal fin, incluíu l'equipu de soníu.
6. Va valorase, amás del Mercáu en sí (númberu d'expositores), la oferta d'actividaes y/o actuaciones culturales y pa la mocedá previstes.
7. L'Asociación organizadora va tener la exclusividá pa explotar la barra/chigre qu'a tal fin se podrá instalar.