LIII edición del Premiu Internacional de Cuentos Lena/L.lena  recibiéronse trescientos ochenta cuentos, procedentes de toa España y tamién de países como, Arxentina, Cuba, Chile, Ecuador, Venezuela, México, Colombia, USA, Suecia, Italia, Alemaña, Suecia, Israel...

Los miembros del xuráu, reuníos na Casa de Cultura de La Pola, el día dieciséis de marzo, del presente añu, concedieron el premiu, dotáu con 3.000 euros,  al cuentu tituláu "DANZA DE MUERTE PARA LOS SEÑORES AFGANOS" de Bastián Robinson, nomatu del autor.

Escritor novelísimu d'orixe catalán y residencia en Terrassa, onde nació hai 42 años. Ye profesor d'Historia nun institutu priváu. Comparte hores ente esi trabayu, un hobby absorbente como son les carreres de monte d'ultradistancia per países d'ensueñu, y la so pasión, escribir.  Guarda nel caxón un buen montón de relatos, unes cuantes poesíes, y la ilusión d'un ninu.

Solo esti añu 2016 s'animó a presentar dalgunos de los relatos a concursu, de manera que nun publicó nada, y éste ye'l primer premiu lliterariu.

La entrega del premiu va facese'l vienres, 1 d'abril, a les 19:00 nel Salón d'Actos de la Casa de Cultura. Presenta Club de Prensa de La Nueva España.