El conceyal d'Obres nel Conciyu de L.lena, Jesús Fernández, va pedir a la alministración autonómica que repare les deficiencies detectaes na carretera a La Cobertoria, y qu'une L.lena con Quirós.

Esi vial cuenta con una cera que los vecinos nun puen utilizar nin en veranu nin n'inviernu. La primavera y veranu las zarzas y matos invaden esa cera. Y n'inviernu prodúcense filtraciones d'agua. Esto último provoca que na zona s'acumulen piedres y barru, que tamién "invade la calzada".

Los vecinos, según esplicó'l conceyal, vense obligaos a ocupar la calzada pa poder transitar, daqué que los pon en peligru. Pidimos en delles ocasiones al Principáu que se faga cargu d'esti vial, que ye de la so titularidá, y arregle les filtraciones enormes qu'apaecen cada vez que llueve. Vinieron técnicos en tres ocasiones ensin nengún resultáu. Nun nos dieron nenguna solución.

Fernández espera que nos próximos meses el Principáu visite la zona y dean dalguna solución a eses filtraciones. Tamién confía en que se fagan cargu del desbroce de la mesma pa que los vecinos puedan utilizar la cera en condiciones de seguridá tol añu.

Imágenes