El barriu Santa Cristina, nel cascu urbanu de La Pola, acueye'l Mercáu de la Fantasía del 29 d'abril al 2 de mayo, una actividá organizada por 'Eragon Eventos' cola collaboración del Conciyu de Lena.

Trátase de la segunda vez que 'Eragon Eventos' organiza un mercáu en La Pola. L'añu pasáu celebróse'l medieval que contó cola participación d'unos 30 expositores, ente artesanía, alimentación y atracciones pa lo más pequeno. El d'esta edición sedrá paecío, anque la temática escoyida sedrá la fantasía. Habrá actuaciones del Magu Yimi, globoflexia, ludoteca, pintacares, y personaxes acordes cola temática.

L'apertura del mercáu ye'l vienres a les 17,00 hores y permanecerá abiertu hasta les 22,00 hores. El sábado y el domingo abrirá de les 11,00 a les 14,00 hores y de 18,00 a 23,00 hores. El llunes el pieslle del mercáu ye a les 21,00 hores.