Les Biblioteques de Ḷḷena reciben una subvención, pa esti exerciciu 2024, de 1843,40 euros procedente de la Viceconseyería de Cultura, Política Llingüística y Deporte d'Asturies, destinada a l'adquisición de llibros nuevos pa los tres centros de llectura existentes nel conceyu.

En concretu, l'ayuda proveniente de la conseyería va permitirá  complementar el presupuesto que'l Conciyu destina anualmente a la Biblioteca Municipal Ramón Menéndez Pidal de La Pola, al centru de llectura “La Casona” de Campumanes y al centru de lectura de Viḷḷayana. La compra de los nuevos exemplares va facese, de manera prioritaria, nel comerciu local.

L'oxetivu ye l'enriquecimientu de los fondos, l'actualización constante, l'atención a les propuestas que les persones usuaries faen nes biblioteques en función de les necesidaes y preferencies, como tamién favorecer la llectura dende la infancia, con una ufierta de títulos atractivos en cuantes a temática, llectura fácil y diseñu editorial.

Les nueves adquisiciones han facese según criterios de demanda, novedá y calidá, teniendo en cuenta les distintes secciones que s'ofrecen nes tres biblioteques municipales y pa completar colecciones. Tamién se busca l'equilibriu temáticu na ufierta de títulos, ofreciendo fondos que procuren tamién un mayor conocimientu de la contorna más cercana en tolos ámbitos.

En total, ente los tres centros bibliotecarios de Ḷḷena hai 36.178 exemplares de los que 32.654 son llibros, 2.440 discos de música, 963 películes de vídeo y 121 recursos electrónicos.