El martes 30 de xinero del 2024, coincidiendo cola celebración del Día Mundial de la Paz y la non Violencia, los centros escolares del conceyu participaron nuna actividá propuesta pol Grupu de Participación Infantil y Adolescente de Ḷḷena, que na llinia de la iniciativa d'UNICEF "Banderes Blanques pa la Infancia y l'Adolescencia", tuvo una gran acoyida ente tola comunidá educativa.

El cartel, que pa dar visibilidá a la xornada colocóse en 20 espacios significativos del conceyu (centros escolares, canches deportives, parques y edificios municipales frecuentaos pola nenos, nenes y adolescentes), diseñólu'l Grupu de Participación de Ḷḷena.

Amás, los centros escolares trabayaron el tema de la Paz y la Non Violencia col alumnáu los díes anteriores, y el frutu d'esi trabayu pudo vese nos actos que se llevaron alantre en caún de los centros participantes. Banderes negres que se convierten en blanques gracies a palombas blanques, pócimes de la paz, estrelles y conseyeros de la paz, cantares, munches banderes blanques y diferentes manifiestos reivindicando'l so derechu a vivir en paz y llibres de violencia de cualquier tipu.