El Conciyu Ḷḷena va contratar per un añu a 9 persones nel Plan d'Empléu, financiáu con fondos propios, Ḷḷena Contrata 2025.

Diríxese a persones en situación de desempléu, con una antigüedá mínima de tres meses a fecha de publicación d'esta convocatoria y que nun tuviesen contrataes pol Conciyu Ḷḷena con posterioridá al 1 de xunu del 2024. 

Les ocupaciones ofertaes son les siguientes:

• 5 Peones 
• 4 Conserxes-mantenedores

El plazu pa presentar la solicitú ye de 10 díes naturales a contar a partir del día siguiente al de la publicación, quier dicise, del 19 al  28 de mayu del 2025 dambos incluíos.

Ha presentase na sede electrónica del Conciyu o nel Rexistru Xeneral del Conciyu Ḷḷena, asitiáu na calle de Vital Aza nº20,  de La Pola, Ḷḷena n'horariu de 9 a 14 hores, acompañada de la documentación que s'especifica na base octava de les bases reguladores. 

Les bases reguladores del procesu  y la solicitú pueden consultase y descargase nesti enllace