Not: Lena reclama principado proteger incendios - ayto-lena
L.lena reclama al Principáu que protexa la contorna de los incendios
Los incendios forestales qu'arrasaron los montes d'Asturies fai unes selmanes despertaron una preocupación nueva ente los responsables del Conciyu L.lena. L'alcalde del conciyu, Ramón Argüelles (IU), reclamará al Principáu que protexa la Vía Carisa pa evitar que los yacimientos descubiertos hasta'l momentu se vean amenazaos pol fueu.
El rexiór explicó ayer que "nos últimos incendios nun hubo nengún problema, pero sí que corrieron riesgu otros yacimientos de la zona". Ye'l casu de los megalitos d'El Padrún, unos restos prehistóricos asitiaos na zona d'Espines, que llibraron por poco del incendio que quemó delles hectáries na sierra de Ranero. Esta necrópolis ta incluida nel catálogu patrimonial del Principáu. Pero nun ta protexida como Bien d'Interés Cultural.
Sí va talo, dientro d'unos díes, la Vía Carisa. Y esa declaración, según Ramón Argüelles, "tiene de ser motivu abondo pa que'l Principáu tome les midíes oportunes y asegure la protección de la zona contra futuros incendios forestales". Ente otres midíes, reclama l'acondicionamientu de cortafueos.