El Conciyu de L.lena estrena web, que cuenta con un diseñu más modernu, adaptativu y fácil d'usar. Amás, incorpora conteníos nuevos na sede electrónica, polo que los vecinos van poder facer más xestiones dende casa.

Asina, pela web, los vecinos interesaos podrán inscribise n'actividaes d'ociu, culturales y deportives, y solicitar la participación en procesos selectivos. Tamién podrán solicitar l'accesu y cancelación de los datos de calter personal o rectificalos, nel casu de que sea necesario. Pela páxina tamién se podrá aportar documentación o alegaciones a un expediente, solicitar información o facer cualquier trámite de calter xeneral.

Cola nueva páxina tamién se persigue, desde l'alministración local, potenciar la participación ciudadana. Habilitóse un accesu directu pa que los vecinos, previa inscripción, puedan facer suxerencies y quexes. En momentos puntuales tamién se van promover encuestes, pa que sean los usuarios de la páxina los que decidan sobre obres o actuaciones a realizar nel conceyu.

La páxina, que como l'anterior ta en billingüe asturianu-castellanu, diseñóse pensando na accesibilidá de los conteníos, cumpliendo cola la Llei de Servicios de la Sociedá de la Información y el Comerciu Electrónicu.