Les Biblioteques de Ḷḷena recibieron una subvención, pa esti exerciciu 2023, de 2.131,48 euros procedente de la Viceconseyería de Cultura, Política Llingüística y Deporte d'Asturies, que va  permitirá l'adquisición de llibros  nuevos  pa les tres instalaciones existentes nel conceyu.

En concretu, l'ayuda proveniente de la conseyería va permitir complementar el presupuestu que'l Conciyu destina anualmente a la biblioteca municipal 'Ramón Menéndez Pidal' de La Pola, al centru de llectura “La Casona” de Campumanes y al centru de llectura de Viḷḷayana. La compra de los orixinales nuevos va facese, de manera prioritaria, nel comerciu local. 

L'oxetivu ye l'enriquecimientu de los fondos, l'actualización, l'atención a les propuestes que los usuarios faen nes biblioteques en función de les preferencies,  como  tamién favorecer la llectura dende la infancia, con una ufierta de títulos atractivos no tocante a temática, llectura fácil y diseñu editorial.

Les adquisiciones nueves van facese según criterios de demanda, novedá y calidá, teniendo en cuenta les distintes secciones que s'ofrecen nes tres biblioteques municipales y pa completar colecciones. Tamién va buscase l'equilibriu temáticu na ufierta de los títulos, ofreciendo fondos que procuren tamién un mayor conocimiento de la contorna más cercana en tolos ámbitos.

En total, ente los tres centros bibliotecarios de Ḷḷena hai  32.473 llibros; 2.440 discos; 963 videos y 121 recursos electrónicos.