V certamen 'Lena pinta por la igualdad' - ayto-lena
V certamen 'Ḷḷena pinta pola igualdá'
La conceyalía de Bienestar Social, Mocedá y Muyer del Conciyu pon en marcha una nueva convocatoria del concursu 'Ḷḷena pinta pola Igualdá y contra la violencia de xéneru', dirixío a promover la igualdá d'oportunidaes ente muyeres y homes. La obra ganadora va ser la imaxe del cartel conmemorativu del día 8 de marzo y obtendrá un premiu de 600 euros, el doble que nos cuatro primeros certámenes.
Como novedá nesta quinta edición, amás de duplicar la cuantía del premiu, incorpórase "como tema pa la ellaboración de les obres la violencia de xéneru, y nun solo la igualdá como hasta agora”, explicó la conceyala responsable del ária, Natalia Ahilagas. Y añadió que “en Ḷḷena vienen desenvolviéndose polítiques actives col obxetivu de llograr la eliminación de toes aquelles cuestiones qu'impiden la igualdá real y efectiva na nuestra sociedá”.
Nesti concursu podrán participar toles persones mayores de 16 años del conciyu, nacíes o empadronaes en Ḷḷena. Les obres han ser inédites y orixinales con una dimensión máxima de 50 por 70 centímetros. Tanto la técnica como'l soporte han ser llibres y solo va admitise una obra por participante.
El plazu d'admisión de les obres d'esti concursu, que tien upor tema 'Pola muyer y la igualdá de xéneru. Por una sociedá llibre de violencia machista”, acaba'l 18 de febrero del 2022. La entrega del premiu, dotáu con 600 euros y un diploma, sedrá alredor del 8 de marzo, dientro de los actos conmemorativos del Día Internacional de la Muyer.
