BASES

1^a FECHA Y LUGAR

El desfile entamará na Plaza Alfonso X el Sabiu, el sábado 16 de marzo del 2019, a les 18:00 hores, con un recorríu peles calles de La Pola.

2^a INSCRIPCIONES

Pa optar a cualquiera de los premios, ye obligatorio facer la inscripción  y acabar tol itinerariu.

Les inscripciones van facese na Casa Municipal de Cultura (Tfnu. 985 49 11 57), de llunes a vienres n'horariu de 9:00 a 14:00 y de 16:00 a 20:00 hores y el sábado, día 16 de marzo, n'horariu de 15:00 a 16:30 hores.

Establecense varios llistaos nos qu'han apuntase toles participantes.

Les participantes locales nun van quedar excluíos d'optar al premiu xeneral.

Los dorsales entréguense'l sábado día 16 de marzo, na Casa de la Cultura, de 15:00 a 16:30, y han colocase nun sitiu bien visible. Quien nun se presente a recoyer el dorsal nesti periodu de tiempu queda automáticamente excluida de la participación del concursu, pero non de la participación nel desfile si quisiera.

3^a CATEGORÍES Y PREMIOS

Tolos premios tienen calter excluyente.

CARROCES Y GRUPOS

1^er premiu: 900euros

2^u premiu: 600 euros¿

3^er premiu: 300 euros

INDIVIDUAL Y PAREXES

1^er premiu: 300 euros

2^u  premiu: 200 euros

3^er premiu: 100 euros

CHARANGUES

Premiu únicu: 400 euros

INFANTIL (menor 12 años)

Vale de 100 euros¿ canxeable en cualquier establecimientu de La Pola.

ESPECIALES (locales)

- Individual o parexa: 200 euros

- Grupos hasta 20 persones: 350 euros

- Grupu de más de 20 persones: 800 euros

INFANTIL (menor 12 años)

Vale de 100 euros canxeable en cualquier establecimiento de La Pola.

Les persones que s'inscriban nes modalidaes locales nun van quedar excluíes d'inscribise nel restu de modalidaes xenerales.

Les persones que ganen en cada categoría quedaríen excluíes de ganar el restu de categoríes nes que s'incribiesen, polo que, si una mesma participante o grupu resultase ganador, sólo obtendría'l premio na categoría de mayor cuantía económica, dexando llibre la posición pa asitiar en primer posición al/los segundo/s na clasificación.

4º SEGURIDÁ

Aquellos que participen con vehículos (carroces, carromatos, cachivaches, etc) y en xeneral, tolo que se mueva con ruedes, otro sistema, con cualquier tipu de tracción, sedrán responsables del manexu, como de los daños personales o materiales qu'ocasionen nel desarrollu de l'actividá. Deben de contar cola documentación preceptiva, nun tar daos de baxa nos rexistros de tráficu correspondientes y tengan el permisu qu'autoriza a tal actividá. Nun ta permitío una altura superior de 4 m dende'l suelu.

Queda prohibida la utilización nel concursu de

- Cualquier elementu pirotécnicu, como tamién llames, antorches, veles y/o cualquier tipo de combustible.

- Cualquier material que por razones de seguridá pudieran poner en riesgu'l desarrollu normal del espectáculu.

5º ORGANIZACIÓN

La organización del desfile correrá a cargu de l'Asociación Cultural, Social y Recreativa Moviéndonos por Lena, con domiciliu Social en Santa Cristina, n^u13, 3^u Izquierda, que va encargase, el mesmu día 24 de la recepción de les participantes y repartu de dorsales, como de distribuir y coordinar a toles persones y grupos inscritos a lo llargu del recorríu del desfile.

La organización resérvase'l derechu d'establecer l'orde de participación de les concursantes.

Puntuación y xuráu

Los componentes de l'Asociación encargaránse d'escoyer al xuráu que va puntuar a les participantes y, en valorando toles puntuaciones, determinar a les persones ganadores de cada categoría.

Les bases del concursu van tar en manos de los/les miembros del xuráu polo menos 24 hores primero de qu'entame l'actu.

El Conciyu de L.lena instruirá al xuráu del conteníu de les bases del concursu pa la so interpretación correcta y aplicación, polo que los/les miembros del xuráu tendrán la opción de consultar toles dudes a la persona representante designada pol Conciyu.

El xuráu va tar conformáu por non menos de 4 persones nin más de 7, amás d'una o más persones representantes del Conciyu con voz pero ensin votu, que resolverá cualquier duda o situaciones d'incertidumbre nes bases estipulaes. Puntuaráse del 1 al 10 teniendo en cuenta los criteriossiguientes :

- La orixinalidá y calidá, como tamién l'adecuación y vestuariu de toles persones participantes al tema.

- La complexidá na ellaboración

- La caracterización y animación nel desfile.

- Otros recursos: lluces, vehículos (adecuadamente decoraos).

En casu d'empate, fadríase una votación nueva  hasta escoyer únicu premiáu/ada.

El Conciyu aportará a los y les miembros del xuráu la documentación necesaria pa la baremación de cada concursante pa facilitar, tanto'l llabor, como la resolución definitiva de los y les ganadores.

6º ACEPTACIÓN

La participación supón l'aceptación de les bases.

La Organización nun se fai responsable de nenguna clase d'accidentes, daños físicos o materiales.

Si les condiciones climatolóxiques son adverses, la Organización tara supeditada a la decisión del Conciyu a cancelar el desfile.

7º RESULTÁU Y ENTREGA DE PREMIOS

La empresa/asociación organizadora dará a conocer el fallu del xuráu al acabar el desfile na Plaza Alfonso X El Sabiu y, a continuación, procederán a entregar los correspondientes diplomes en cada categoría.

Nel reversu d'una copia de cada diploma, anotarán el nome, NIF y teléfonu de cada persona ganadora pa que, posteriormente, personal del Conciyu pueda ponese en contactu con ellas col obxetu d'efectua-yos la tresferencia correspondiente pol importe del premiu en metálico, a excepción de los premios infantiles (menores de 12 años) a los que se-yos subvencionará una o varies compres, pol importe indicao más p'ariiba, n'establecimientos de La Pola, reintegrándoselo a la presentación de los tickets o factures dende'l Departamentu de Tesorería.