BASES REGULADORES DE LA CAMPAÑA "TOLO QUE MEREZ LA PENA TA EN L.LENA" PA LA DINAMIZACIÓN Y PROMOCIÓN DE L'ACTIVIDÁ TURÍSTICA Y COMERCIAL DEL CONCIYU DE L.LENA.

Primera.- Participación

Podrán participar nos sorteos de bonos canxeables por compres toles persones mayores d'edá que mercaren nos establecimientos que se sumaron a esta promoción y que cubreran correctamente les papeletes.

Segunda.- Forma de presentación
Les papeletes habrán echase nes urnes habilitaes nos establecimientos comerciales y hosteleros que se sumaron a la promoción. Cada papeleta ha cumplimentase debidamente da colos datos siguientes : nome, apellíos, númberu de teléfonu, corréu electrónicu (si tien) y señes postales.

Tercera.- Vixencia de la campaña
La campaña entra en vigor dende'l día de publicación d'estes bases na páxina web del Conciyu y va tar vixente hasta'l día 22 de diciembre del 2020, periodo nel que se van poder echar papeletes pa participar nos sorteos.

Cuarta.-Premios
Esta campaña obxetu d'estes bases va dotase colos premios que vienen darréu:

• 4 bonos de 250 euros, caún que se tienen de canxear nuna sola compra, y nos establecimientos diferentes que se sumaron a esta promoción, y de acuerdo con una distribución proporcional ente'l  númberu d'establecimientos participantes total  y los que se sumaron por caún d'estos sectores: hostelería y turismu, alimentación, peluquería y estética, comerciu y asemeyaos y servicios d'automoción y asemeyaos.
• 20 bonos de 100 euros , pa canxear nos establecimientos que se sumaron a esta promoción, nuna sola compra y según a una distribución proporcional ente' l númberu d'establecimientos participantes total  y los que se sumaron por caún d'estos sectores: hostelería y turismu, alimentación, peluquería y estética, comerciu y asemeyaos y servicios d'automoción y asemeyaos.
   
• 100 bonos de 50 euros pa canxear nos establecimientos que se sumaron a esta promoción, nuna sola compra y según a una distribución proporcional ente' l númberu d'establecimientos participantes total  y los que se sumaron por caún d'estos sectores: hostelería y turismu, alimentación, peluquería y estética, comerciu y asemeyaos y servicios d'automoción y asemeyaos.
   

Los establecimientos que se sumarona esta promoción van entregar una papeleta pa participar nel sortéu de los bonos con cada compra fecha, superior a 10 Euros. Los premios nun van ser acumulables, nun pudiendo recaer na mesma persona más d'un premiu.

Quinta.- Cambiu de los premios
Los bonos habrán cambiase, primero del 6 de xinero del 2021, por compres nos establecimientos que se sumaron a la promoción, según la distribución que se va establecer  según  lo dispuesto na base cuarta d'estes bases, en conociendo'l númberu d'empreses participantes. La diferencia ente l'importe del bonu y la compra sedrá por cuenta del cliente. 

Sexta.- Aplicación presupuestaria
El Conciyu de L.lena dotará la campaña con un presupuestu total d'8.000 euros en premios. Imputada a la partida presupuestaria 4310/47200.

Séptima.-  Facturación
La campaña va facturase d'esta forma:
Los bonos, van facturase a nome del Conciyu de L.lena, pa lo que l'establecimientu ha presentar el bonu y el tique de compra asignáu a caún de los bonos, cola factura por importe de la cuantía total de los bonos cambiaos a mes vencíu. La factura habrá presentase de la forma siguiente:

En caso de persones xurídiques, per medios electrónicos, pela plataforma FACE (puntu xeneral d'entrada de factures electróniques - https://face.gob.es/es).
Les persones físiques podrán escoyer ente presentar la factura per medios electrónicos o nel rexistru xeneral del Conciyu de L.lena.

Octava.-Sorteos
Los premios establecíos  na base cuarta van sortease'l 23 de diciembre, n'actu públicu que se va facer na Casa Conciyu a les 14:00 hores, onde se va grabar y darréu va subise a la páxina web del Conciyu. Pa ello, van recoyese previamente les papeletes de cada establecimientu.

Novena.-  Ganadores
Les persones ganadores de los sorteos van ser aquellas a leds que pertenezan les papeletes que se saquen al azar de la urna. El Conciyu de L.lena resérvase'l derechu a eliminar aquellos participantes qu'incumplan estes bases.

Décima.-  Comunicación
Los premios van comunicase pela páxina web del Conciyu de L.lena (www.aytolena.es), na que se publicará un llistáu colos nomes y apelliíos de les persones premiaes. Las que resulten ganadores habrán recoyer el bonu nes instalaciones de la Oficina Municipal d'Información al Consumidor - O.M.I.C., asitiada nel Parque de la Ería, n^u 6, baxu, La Pola (L.lena), presentando pa ello'l DNI, nes feches siguientes:

• Del 28 al 30 de diciembre del 2020 n'horariu de 10:00 a 14:00 hores.

En casu de que la persona premiada nun pueda recoyer personalmente'l bonu, podrá autorizar a una persona pa que lo recueya enl so nome. Pa ello, tendrá de presentar los documentos siguientes :

• Formulariu d'autorización de recoyida firmáu pola titular del premiu, según modelu que figura nel Anexu l.
• Fotocopia del DNI, pasaporte o NIE de la persona premiada.

Los bonos que nun se recueyan nel plazu establecíu van volver a sortease ente les papeletes restantes.

Los bonos nun podrán cambiase en nengún casu por dineru o otra prestación, entendiéndose que, si ésti nun ye esercido tal y como establecen les presentes bases, la persona ganadora arrenuncia a él.

Décima primera.- Aceptación de les bases
La participación na promoción conlleva l'aceptación d'estes bases.

Décima segunda.- Protección de datos

EPÍGRAFE	INFORMACIÓN BÁSICA SOBRE PROTECCIÓN DE DATOS
ACTIVIDÁ DE TRATAMIENTU	Campaña "Tolo que merez la pena ta en L.lena" pal apoyu, dinamización y promoción de l'actividá turística y comercial del conciyu de L.lena
RESPONSABLE	Conciyude L.lena
FINALIDÁ	Los datos personales recoyíos per esti formulariu, van tratase pol Conciyu de L.lena, como responsable del tratamientu, cola finalidá de promocionar el comerciu local.
	Los datos personales sedrán, asimismo, incorporaos a un ficheru automatizáu titularidá de Conciyu de L.lena, pudiendo utilizase pol Serviciu de Turismu con fines informativos y promocionales. ACEPTO: SÍ NON
LEXITIMACIÓN	Tratamientu necesariu pal cumplimientu d'una misión fecha n'interés públicu o n'exerciciu de poderes públicos conferíos al responsable del tratamientu, según dispón l'artículu 6.1 e) del Reglamentu Xeneral de Protección de Datos (RGPD).
DESTINATARIOS	Conciyu de L.lena. Nun tán previstes comunicaciones de datos a terceros salvo obligación llegal, nin tán previstes tresferencies a terceros países o organizaciones internacionales.
DERECHOS	Pue exercer los derechos d'accesu, rectificación, supresión, como tamién otros derechos presentando solicitú per escrito énte'l Conciyu de L.lena, C/ Vital Aza, 20 - 33630 La Pola, L.lena, (Asturies) indicando nel asuntu: Ref. Protección de Datos o pela Sé Electrónica. Podrá ponese en contactu tamién cola persona Delegada de Protección de Datos pel corréu electrónicu: dpd.ayuntamientos@i-cast.es

INFORMACIÓN ADICIONAL

Pue consultar información adicional na sé electrónica del Conciyu de Lena (www.aytolena.es)

Documentos

Anexo 1