El alto de La Cubilla, L'Alto'l Palo,  en L.lena, va convertise pal próximu 9 de setiembre nel protagonista de la 16 etapa de La Vuelta Ciclista a España, un final inéditu y que ta destináu a convertirse nuna meta recurrente d'esta prueba deportiva.

La etapa del 9 de setiembre tien la salida en Pravia y va pasar per cinco puertos de montaña.

La Cubiel.la ofrez una ascensión de casi trenta kilómetros con tramos con una pendiente media del 10 por cientu. Tien una altitú de 1.683 y atópase asitiáu nel corazón del parque natural de Las Ubiñas, reserva de la Biosfera.

La Vuelta Ciclista a España ye un eventu deportivu que en buena medida va servir a L.lena d'escaparate nel qu'una audiencia potencial global de 400 millones d'espectadores en tol mundu van poder conocer el conceyu y la belleza de la contorna natural coles cerca de nueve hores d'emisión d'esta etapa.

L'obxetivu ye que tanto los aficionaos a esti deporte como los que van verá la etapa per televisión disfruten d'esti puertu y lu consideren propicio pa que se vuelva a incluir en rondes ciclistes futures.