La temporada de baños na piscina exterior de L.lena comenzará'l 1 de xuneto y permanecerá abierta hasta l'8 de setiembre, meses nos que, amás van desenvolvese delles actividaes d'ociu, como deportes en familia y la bibliopiscina.

L'horariu, pal usu del vasu exterior, va ser de llunes a vienres dende les 13,00 a les 19,30 hores, y sábados, domingos y festivos de 12,00 a 19,30 hores.

Pa potenciar les instalaciones deportives nel periodu estival, l'ária de Deportes del Conciyu, que dirixe Agripino Pérez, cola empresa que xestiona la piscina, pondrán en marcha l'actividá deporte en familia na zona del preu y nel vasu exterior de la mesma, dirixío tanto a socies como a persones qu'adquieran la entrada de día. Trátase de potenciar estes instalaciones deportives como referente d'ociu nel branu en L.lena.

El programa consiste na práctica de deportes colectivos y xuegos. Pa que los nenos y nenes participen nes actividaes va ser imprescindible que tean a cargu d'una persona adulta. Amás, a lo llargo del branu van facese xornaes de xuegos acuáticos que contarán, ente otres atracciones, con toboganes hinchables d'agua y fiestas de la espluma.

Per otru llau, y dende l'ária de Cultura ponse en marcha, como cada branu, la bibliopiscina n'horariu de 16,30 a 19,30 hores. Nea tardes de xuneto y agosto, el serviciu d'empréstamu traslladaráse a les instalaciones d'El Masgaín.