El cien por cien de les beneficiaries son muyeres mayores de 50 años, de les que'l 70 por cientu son viudes de más de 80 años

El Conciyu de L.lena reparte cerca de 4.000 euros a 17 families beneficiaries del IBI Social correspondiente al impuestu d'ejercicio del 2018. En total presentáronse 21 solicitúes, anque cuatro d'ellas denegáronse al nun cumplir los requisitos que contemplen les bases.

Nesta segunda convocatoria, según explicó la conceyala de Servicios Sociales, Natalia Ahilagas, revisáronse los requisitos esixíos p'acceder a estes ayudes económiques que s'establecieron nel 2017 pa que les persones y families más vulnerables del conciyu afronten el pagu del Impuestu sobre Bienes Inmuebles. Ente ellos el valor catastral de los inmuebles que nun deberán superar los 70.000 euros, envede los 60.000 euros de la primer convocatoria.

El cien por cien de les beneficiaries son muyeres mayores de 50 años, de les que el 70 por cientu son viudes mayores de 80 años con pensiones pequenes. "Esto damos una idea de que se plantea una necesidá social nesti colectivu pal pagu del impuesto que l'equipu de Gobiernu cubre con esta ayuda social", apuntó la edil.

Estes ayudes tán dotadas con 10.000 euros, y ente otros requisitos pa optar a la mesma ye que'l valor catastral que figure nel recibu del Impuestu sobre Bienes Inmuebles correspondientes al exercicio 2018 nun supere los 70.000 euros.

Establécense dos tipos d'ayudes atendiendo a los ingresos anuales de la unidá familiar. Sedrá del cien por cien de la cuantía del recibu pa unidaes familiares con ingresos que nun superen el 125% IPREM anual ponderáu vixente nesti serviciu, y el 50 por cientu pa unidaes familiares con ingresos que nun superen el 150% del IPREM anual.

Otros de los requisitos ye que la persona sea mayor de 18 años o menor emancipada llegalmente o sometida a tutela y tar empadronada en L.lena y residir na vivienda obxetu de subvención na fecha de presentación de la solicitú, y ser propietaria, copropietaria o usufructuaria y obligada al pagu del IBI cuyos gastos son obxetu d'esta subvención.