El Conciyu de L.lena organiza un concursu de pintura con motivu de la celebración del Día Internacional de la Muyer, 8 de marzo, col lema "L.lena pinta pola igualdá".

El plazu d'admisión de los trabayos acaba'l 16 de febrero del 2018.

BASES CONCURSU  DE PINTURA DEL CONCIYU DE L.LENA
CON MOTIVU DEL 8 DE MARZO
DIA INTERNACIONAL DE LA MUYER

"LENA PINTA POLA IGUALDÁ"

Desde la Conceyalía de Bienestar Social, Vivienda y Muyer del Conciyu de L.LENA  vienen desenvolviéndose polítiques actives col obxetivu de llograr la eliminación de les barreres qu'impiden que la igualdá  ente homes y muyeres sea una realidá na nuestra sociedá. 
Dicha igualdá ha traducise en toes y caúna de les facetas de la vida y una d'elles ye, ensin duda, la manifestación y creación artística y cultural. 
A fin de materializar esi obxetivu y en collaboración cola Conceyalía de Cultura, Mocedá y Política Llingüística se va a convocar pa esti añu 2018 el I Certame de Pintura, dirixío a promover la igualdá d'oportunidaes ente muyeres y homes.

PRIMERA.- OBXETU. 
L'obxetu de les presentes Bases ye regular el  I Certame de Pintura, "L.LENA PINTA POLA IGUALDÁ".
La obra ganadora del Primer Premiu va valir d'imaxe al cartel conmemorativu del añu 2018 con motivu de la celebración del 8 de marzo, Día Internacional de la Muyer.

SEGUNDA.- PARTICIPANTES Y TEMA.
Podrán participar nel Certamen toles muyeres y homes mayores d'edá y empadronaes/os en L.lena.  
El tema del concursu ye"Muyer y Igualdá".
 
TERCERA.- CARACTERÍSTIQUES DE LES OBRES.
Les obres presentaes han ser orixinales y inédites, con una dimensión máxima de 50x70 cm. 
Tanto la técnica como'l soporte físicu utilizaos han ser llibres. 
Solo va admitise una obra por persona participante.
Nun se van admitir obres que se premiaran n'otros certámenes o concursos. 
Les persones autores de les obres participantes  van responder d'aquellos conflictos que pudiesen surdir por plaxu, quedando'l Conciyu llibre de toa responsabilidá. 

CUARTA.- PRESENTACIÓN. 
Toles obres han presentase debidamente remataes y embalaes y nun llevar identificación externa nenguna de l'autoría .
Nel reversu de les obres tien de figurar el títulu de les mesmes.
Les obres han acompañase d'un sobre zarráu y nel interior ha facese constar los datos siguientes :

     
Títulu de la obra
Nome y apellíos del autor/a.
Señes.
Teléfonu.
Corréu electrónicu.
 
QUINTA.- SITIU Y PLAZU DE PRESENTACIÓN. 
Les obres y documentación podrán presentase en mano o per corréu nes direcciones siguientes colos sos horarios respectivos :

Casa d'Alcuentru de la Muyer de L.lena
Parque de la Ería S/N
33630- La Pola, Lena
Telf.985491223
Horariu: de Llunes a xueves, de 11:00 a 13:30

Casa Municipal de Cultura  
Pza. Alfonso X,  El Sabio
33630 La Pola, Lena
Telf.985491157
Horario: de Llunes a vienres, de 9:00 a 14:00 y de 16:00 a 20:00    

El plazu d'admisión d'obres acaba'l vienres 16 de febrero del 2018.
                                     
SEXTA.- XURÁU.
El fallu del xuráu ye inapelable y la entrega del premiu a la obra ganadora, va facese'l 8 de marzo del 2018 nel Teatru Vital Aza dientro del programa d'actos de la Conmemoración del Día Internacional de la Muyer.

SÉPTIMA.- PREMIU.
Va otorgase un únicu primer premiu, pudiendo declarase desiertu pol xuráu.
El premiu va consistir nun diploma y una dotación económica de 300¿.
El pagu mándase poles retenciones llegalmente establecíes.

OCTAVA.- PROPIEDÁ DE LA OBRA.
La obra premiada, va pasar a ser propiedá del Conciyu de L.lena, que se reserva'l derechu a la impresión o difusión ensin ánimo d'arrequecimientu.

NOVENA.- ACEPTACIÓN DE LES BASES.
La participación nesti concursu implica la total aceptación d'estes bases. Cualquier imprevistu que nun tea recoyío na presente convocatoria ha interpretase y resolvese pol xuráu.