Dende'l próximu miércoles 31 d'octubre, el Conciyu de L.lena pondrá a disposición de los vecinos y vecines afectaes pol temporal un serviciu, na Oficina d'Atención Ciudadana, pa que puedan encauzar les reclamaciones polos perxuicios sufríos, especialmente los relativos a la interrupción na prestación del serviciu de suministro eléctricu.

La oficina asítiase nes instalaciones de la Oficina d'Atención Ciudadana, en concreto na OMIC, sitas na calle Marqués de San Feliz númberu 7 baxu, n'horariu de 10 a 14 hores. Tamién va atendese pel teléfonu 985.49.38.09.

Dende la propia web del Conciyu van ponese a disposición de los vecinos y vecines modelos específicos de reclamación.

Independientemente de lo anterior, dende esta Alministración local siguen efectuándose xestiones con responsables de la empresa suministradora VIESGO pa que restablezan a la mayor brevedá'l suministru eléctricu n'aquellos pueblos que siguen con problemes.