Como parte del  proyectu "Alimentación saludable en L.lena", van desarrollase en La Pola los talleres de cocina y de cultivu ecolóxicu, dende'l 22 y el 29 d'octubre respectivamente. El de cocina tamién se va facer nel Centru d'Alcuentru de Campumanes el 8 y 9 de noviembre. L'asistencia ye de baldre, previa inscripción.

Fomentar l'alimentación saludable ye un obxetivu al que'l Conciyu de L.lena quier contribuir, col gobiernu autonómicu y nacional. Pa ello, desenvuélvese desde la Escuela Municipal de Salú y Bienestar el proyectu "Alimentación saludable en L.lena".
Ún de los obxetivos d'esti programa ye difundir les recomendaciones nutricionales  que se faen dende la Conseyería de Sanidá, basaes na evidencia científica actual, pa conseguir una dieta más saludable y reducir el riesgu d'enfermedaes:

- El consumu de verdura y fruta tien de ser mayor de 400 gramos.
- Les fuentes preferentes d'hidratos de carbonu na dieta deben ser los cereales integrales non azucaraos, les verdures, les legumbres y les frutes.
- El consumu de sal debe ser menor de 5 gramos al día en persones adultes. Según la OMS esta sedría una de les midíes más cencielles y eficaces de reducir les enfermedaes cardiovasculares.
- L'aporte diariu d'enerxía procedente de grases saturaes tien de ser menor del 10% del total de la enerxía, evitando les grases trans o reduciéndola a menos del 1%. 
- Si se consumen azúcares añadíos, deben limitase a menos del 10% del consumu diario d'enerxía. La reducción por baxo del 5% tendría mayores beneficios.

Se considera que la base d'una alimentación sana son les verdures, hortalices y cereales. Les verdures/hortalices y fruta deben ocupar la mitá del nuestru menú diariu; los cereales,  preferentemente integrales, una cuarta parte y les proteínes la otra cuarta parte, teniendo en cuenta que les fuentes de proteína incluyen cereales, legumbres, carnes, pescaos, lácteos y güevos.

Consumir productos frescos, de temporada, preferentemente procedentes de la zona y ecolóxicos.

Al facer esta recomendación tiense en cuenta la calidá de los alimentos de producción ecolóxica y local, considerando les cualidaes nutricionales y la manera de producilos y distribuilos, más sostenible y respetuosa col medioambiente y con efectos positivos nel desarrollu local.

Pal desarrollu d'esti proyectu, el Conciyu, que pertenez a la Rede Española de Ciudaes Saludables, cuenta con una ayuda de la Federación Española de Municipios y Provincias (FEMP)  (Marcu del conveniu ente la FEMP y el Ministeriu de Sanidá, Consumu y Bienestar Social).

Más información en:

http://plandrogaslena.blogspot.com/2018/10/alimentacion-saludable-en-lena-talleres.html

Imágenes