El próximo 6 de noviembre comiencen los talleres del programa Cuídate 10, que complementen de forma práctica les actividaes d'información que tán faciéndose pa promocionar hábitos saludables d'alimentación y actividá física nel conceyu:

Taller de platu saludable. Consistirá na ellaboración de menús saludables cenciellos y rápidos d'ellaborar.
Va faces  nel Hotel d'Asociaciones de L.lena los díes siguientes:

• Llunes 6, 13, 20 y 27 de noviembre. Horariu: de 16 a 17:15 ó de 17:15 a 18:30 (Habrá dos turnos).
• Miércoles 8, 15, 22 y 29 de noviembre. Horariu: de 10 a 11:15 ó de 11:15 a 12:30 (Dos turnos).

Taller d'actividá física: Práctica dirixida de diverses actividaes de duración diversa (dende 10 minutos): minirrutes, caminates, circuitu d'aparatos de ximnasia, exercicios de flexibilidá y resistencia, relaxación, etc. Trátase de que cada persona participante aprenda rutines fáciles de facer y que llegue a alcanzar la cantidá d'actividá física mínima que se recomienda pa persones adultes (30 minutos diarios, que puen facese en períodos de 10 minutos).

Les actividaes van facese en locales del Conciyu y al aire llibre los díes siguientes :

• Llunes y xueves de 16:30 a 17:30 hores; miércoles y vienres de 10:00 a 11:00 hores.

¿Quién pue participar?
Estos talleres van dirixíos a persones residentes nel conciyu de L.lena y, preferentemente, mayores de 50 años (van admitise inscripciones de persones d'otres edaes, que podrán participar si hai places y se tendrán en cuenta a la hora de facer talleres paecíos).

Inscripciones:
Les places son limitaes. Les persones interesaes en participar puen inscribirse nel Centru Municipal de Servicios Sociales de La Pola. Tf: 985 49 28 60.
Va atendese al orde d'inscripción.

El proyectuCuídate 10 forma parte de la programación de la Escuela Municipal de Salú y Bienestar. Pa la puesta en marcha, el Conciyu cuenta col apoyu de la Conseyería de Sanidá del Principáu y cola ayuda económica concedida pola FEMP nel marcu del Conveniu col MSSI pa la potenciación de la Rede Española de Ciudaes Saludables y la Implementación Local de la Estratexa de Promoción de la Salú y Prevención.