Deber d'información sobre recoyida de datos

El Conciyu de Ḷḷena dispón nel sitiu web de delles direcciones de corréu electrónicu que sirven de canal de comunicación pa les finalidaes establecíes en cada casu. Igualmente, el Conciyu delles veces pue utilizar el corréu electrónicu como canal de comunicación colos que caltién dalgún tipu de relación.

Los datos tocante al responsable del tratamientu y datos de contactu de la persona delegada de protección de datos atópense indicaos nel apartáu 2 de la Política de Privacidá.

N'atención a la finalidá de que se trate, la base lexitimadora pal tratamientu de los datos de la persona usuaria/remitente del corréu por parte del Conciyu va ser:

  1. El cumplimientu d'una obligación llegal o'l cumplimientu d'una misión fecha n'interés públicu o l'exerciciu de poderes públicos, naquellos casos nos que'l tratamientu traiga causa del exerciciu de les sos competencies y funciones llegalmente atribuíes.
  2. El consentimientu que la persona usuaria/remitente da, naquellos casos nos que proceda, como ocurre col tratamientu que trai causa de la suscripción de la persona afectada a canales d'información.
  3. La existencia d'una relación contractual o precontractual, naquellos casos nos que'l tratamientu traiga causa de la existencia de relaciones contractuales o prestación de servicios.

Nun tan previstes comunicaciones de datos a terceros nin tresferencies a terceros países o organizaciones internacionales, sacante obligación llegal. 

Los datos recoyíos pel corréu electrónicu van conservase pel tiempu necesariu pa cumplir cola finalidá pa la que se recoyeron y pa determinar les responsabilidaes posibles que se pudieran derivar de dicha finalidá y del tratamientu de los datos.

Los derechos en materia de protección de datos qu'asisten a les persones usuaries/remitentes de correos son los establecíos nel apartáu 9 de la Política de Privacidá.