SERVICIU DE NORMALIZACIÓN LLINGÜÍSTCA

Conceyu de L.lena, 2005

Trípticu informativu sobre'l S.N.LL. en L.lena y les funciones que tien na sociedá ya institución l.leniza.
Amás, infórmavos penriba de la variedá local d'asturianu que se fala nel Conceyu.

L.LENA COLOS SENTÍOS: olfatu, gustu, vista, oyíu, tactu

Conceyu de L.lena, 2005.

Cartafueyu informativu empobináu pal turismu, onde al traviés de los sentío va descubriéndo l'arte reflexao nel padremuñu hestórico-cultural, sintiendo la fala de la xente, probando'l frutu d'esta tierra, goliendo l'arume de la flora y fauna y tocando la tierra, faciendo actividaes cola naturaleza.

EL ROMÁNICO EN L.LENA Y MIERES

Macías Pando, Maximino. Ediciones Azucel, 2005.

Llibru que se torna a la llingua asturiana dende'l Serviciu de Normalización del Conceyu L.lena, pa facer una edición billingüe (asturianu-castellanu)
Estudiu de los monumentos románicos nel Conceyón, primera obra de referencia al rodiu'll arte románicu nos Conceyos de L.lena y Mieres.

¿Y TU D'ONDE YES?

Conceyu de L.lena, 2005

Cartafueyu informativu sobre la Toponímia Oficial en L.lena (Lena) dempués del trabayu d'oficializar la toponimia tradicional de L.lena, col envís d'esparderla y dala a conocer a la ciudadanía.

EL TO CUADERNU DE TRABAYU

Conceyu de L.lena (Aula Didáctica del Prerrománico), 2005.

Cuadernu de trabayu que se da los visitantes del aula pa trabayar los conteníos del Prerrománico asturianu y de la Ilesia de Santa Cristina de L.lena.
Esti cuadernu ufiértase a los Colexos, Escueles ya Institutos que fain visites y tamién pa grupos organizaos.

CUENTOS DELGÜÍLU

García y García, Jesús. Peñalba Impresión, 2006

Collaboración del Serviciu pa la espublización d'esa esbilla de cuentos populares escritos por un vecín del conceyu. Hai que destacar que ye una obra bien importante no tocante a la variedá llingüística del conceyu, yá que tien una mui buena riqueza de vocabulariu y mui buen usu de la variante de L.lena .

CD MÚSICA TRADICIONAL EN CONCEYU L.LENA

Archivu de tradición oral d'Ambás y Conceyu de L.lena, 2007

Cancioneru cedíu por Ambás del so Archivu de Tradición Oral con cantares que recoyó pela xeografía l.leniza.
Xosé A. Ambás ye músicu (n'Arba, Tuenda) y investigador etnomusicólogu d'Asturies.
Una de les obres que val pa recuperar la memoria hestórica d'una llingua al traviés de la tradición oral y les sos cantares.

EL LLIBRU DEL NACIATU

Conceyu de L.lena. Rede de Normalización nos Conceyos. Febreru 2008

Los primeros años de los nenos y nenes son perimportantes y al traviés del Llibru del Naciatu, xunto colos sos seres queríos podrán dir faciendo delles xeres: equí empieza la mio hestoria, la mio familia, el día que nací, les primeres comides, mi primer bañu,... Asina tendráse un bon recuerdu d'esta primer etapa de la vida.

SANTA CRISTINA DE L.LENA

Conceyu de L.lena. Marzu 2008

Cartafueyu informativu sobre la ilesia Santa Cristina de L.lena. Monumentu del sieglu IX declaráu padremuñu de la humanidá pola UNESCO. El folletu tien formatu billingüe (Asturianu-castellanu) pa dar a los turiestes que se dexen cayer per L.lena pa conocer el monumentu.

DVD MÚSICA TRADICIONAL EN CONCEYU L.LENA

Conceyu de L.lena, 2009

Dempués del actu presentación del CD Música Tradicional en Conceyu L.lena, del archivu de Xosé Ambás el 19 d'abril de 2007, espublízase isti DVD pa que nun se borre del quentu la memoria esa gala y la xente que n'ella participó, como homenaxe a la tradición oral del nuistru conceyu y d'Asturies.

CUADERNO ESCOLAR

Ministerio de Cultura y Conceyu de L.lena, 2009.

Depués d'agotar "el to cuadernu de trabayu", y col sofitu del Ministeriu de Cultura del Gobiernu d'España, espublízase, en billingüe una nueva edición de trabayu empobinada pa los grupos que visitan l'Aula del prerrománico tituláu Cuaderno Escolar.

DE FOLIXA PER L.LENA

Conceyu de L.lena. Rede de Normalización nos Conceyos, 2010

Folletu empobináu a los turistes pa esparder les fiestes y folixes del Conceyu de L.lena. Nél podemos atompar la información de les folixes más representatives del municipiu y un apartáu onde se citen otres fiestes. Pa completalu, suxerimos la web del Conceyu onde vos convidamos a mirar más tranquilamente toles folixes que se fain en L.lena.

CD MÚSICA TRADICIONAL EN CONCIYU L.LENA 2

Archivu de tradición oral d'Ambás y Conciyu de L.lena, 2010

Segundu trabayu en formatu doble onde apúrrense materiales de gran valor recuperaos de la tradición musical del conceyu nestos últimos tres años.

Hai publicaos a 76 y axúntase al importante repertoriu vocal de les dances, el bail.le, el romanceru o l'asturianá, un interesante conxuntu de pieces instrumentales de parexa de gaita y tambor, y de cordioneros del conceyu. Tamién se publica nesta segunda tanda de rexistros sonoros la interesante grabación vieya de la misa de gaita de Felgueras (fecha pelos años sesenta).
 
Na presentación participarán los protagonistes del discu, xente de los l.lugares d'Armá, Campumanes, Carabanzo, Carraluz, Casorvía, Chanos de Somerón, Congostinas, La Cruz de Rospaso, Felgueras, Güe¿¿es, Muñón Fondiru, Palacio, Payares, Piedracea, Piñera Baxo, Reconcos, La Romía, Rospaso, Samiguel del Río, Sotie¿¿o y Teyeo, y grabaráse cola TPA pa emitila nel programa "Sones".