Integráu pola totalidá de Conceyales, presidíu pol Alcaldesa (art. 22 LBRL), y correspónden-y, ente otres, les atribuciones siguientes :

• El control y la fiscalización de los órganos de gobiernu.

• Los acuerdos relativos a la participación en organizaciones supramunicipales; alteración del término municipal; creación o supresión de conceyu y de les entidaes a que se refier l'artículu 45 LBRL; creación d'órganos desconcentraos; alteración de la capitalidá del conciyu y el cambiu de nome d'éste o d'aquelles entidaes y l'adopción o modificación de la bandera, enseña o escudu.

• L'aprobación inicial del planeamientu xeneral y l'aprobación que ponga fin a la tramitación municipal de los planes y demás instrumentos d'ordenación previstos na llexislación urbanística, como tamién los convenios que tengan por obxetu l'alteración de cualesquiera d'esos instrumentos.

• L'aprobación del reglamentu orgánicu y de les ordenances.

• La determinación de los recursos propios de carácter tributariu; l'aprobación y modificación de los presupuestos, y la disposición de gastos en materia de la competencia y l'aprobación de les cuentes; too ello según lo dispuesto na Llei Reguladora de les Faciendes Locales.

• L'aprobación de les formes de xestión de los servicios y de los expedientes de municipalización.

• L'aceptación de la delegación de competencies fecha por otres alministraciones públiques El planteamientu de conflictos de competencies a otres entidaes locales y demás administraciones públiques.

• L'aprobación de la plantiya de personal y de la relación de puestos de trabayu, la fixación de la cuantía de les retribuciones complementaries fixes y periódiques de los funcionarios y el númberu y réxime del personal eventual.

• L'exerciciu d'acciones xudiciales y alministratives y la defensa de la corporación en materies de competencia plenaria.

• La declaración de lesividad de los actos del Conciyu.

• L'alteración de la calificación xurídica de los bienes de dominiu públicu.

• La concertación de les operaciones de créditu y les de tesorería, nos términos y colos límites llegalmente establecíos.

• L'aprobación de los proyectos d'obres y servicios cuando sea competente pa la contratación o concesión, y cuando tovía nun tean previstos nos presupuestos.

• Les competencies como órganu de contratación respectu de los contratos d'obres, de suministru, de servicios, los contratos de concesión d'obres, los contratos de concesión de servicios y los contratos alministrativos especiales que celebre la Entidá Local, cuando pol so valor o duración nun correspondan al Alcalde o Presidente de la Entidá Local. Tamién, corresponde al Plenu l'aprobación de los pliegos de cláusules alministratives xenerales a los que se refier l'art.121 de la Llei de Contratos del Sector Públicu.

• La competencia pa celebrar contratos privaos, l'adxudicación de concesiones sobre los bienes de la Corporación y l'adquisición de bienes inmuebles y derechos suxetos a la llexislación patrimonial como tamién la enayenación del padremuñu cuando nun tean atribuíes a l'Alcaldesa o a la Presidenta, y de los bienes declaraos de valor históricu o artísticu cualquiera que sea'l valor.

• Les atribuciones que deban corresponder al Plenu por esixir l'aprobación una mayoría especial.

• La votación sobre la moción de censura a l'Alcaldesa y sobre la cuestión de confianza planteada pol mesmu y se manden polo dispuesto na llexislación electoral xeneral.

• Les demás qu'expresamente-y confieran les lleis.