Ye la Presidenta de la Corporación (art. 21 de la Llei 7/1985, Reguladora de les Bases del Réxime Local (LBRL)). Ostenta, ente otres, les atribuciones siguientes:

• Dirixir el gobiernu y l'alministración municipal.

• Representar al conciyu.

• Convocar y presidir les sesiones del Plenu, sacante los supuestos previstos nesta llei y na llexislación electoral xeneral, de la Xunta de Gobiernu Local, y de cualquiera otros órganos municipales cuando asina s'estableza en disposición llegal o reglamentaria, y decidir los empates con votu de calidá.

• Dirixir, inspeccionar y impulsar los servicios y obres municipales.

• Dictar bandos.

• El desarrollu de la xestión económica según el Presupuestu aprobáu, disponer gastos dientro de los límites de la so competencia, concertar operaciones de créditu, ordenar pagos y rendir cuentes, too ello dientro de los limites llegalmente establecíos.

• Les competencies como órganu de contratación respectu de los contratos d'obres, de suministru, de servicios, los contratos de concesión d'obres, los contratos de concesión de servicios y los contratos alministrativos especiales, cuando'l valor estimáu nun supere'l 10 por cientu de los recursos ordinarios del presupuestu nin, en cualquier casu, la cuantía de seis millones d'euros, incluíos los de carácter plurianual cuando la duración nun sea superior a cuatro años, eventuales prórrogues incluíes siempre que l'importe acumuláu de toles anualidaes nun supere nin el porcentaxe indicáu, referíu a los recursos ordinarios del presupuestu del primer exerciciu, nin la cuantía señalada. Disposición Adicional 2ª de la Llei 9/2017, de 8 de noviembre, de Contratos del Sector Públicu.

• La competencia pa la celebración de los contratos privaos, como tamién l'adxudicación de concesiones sobre los bienes de les mesmes y l'adquisición de bienes inmuebles y derechos suxetos a la llexislación patrimonial cuando'l presupuestu base de licitación nun supere'l 10 por cientu de los recursos ordinarios del presupuestu nin l'importe de tres millones d'euros,  como la enayenación del padremuñu, cuando'l valor nun supere'l porcentaxe nin la cuantía indicaos. Disposición Adicional 2ª de la Llei 9/2017, de 8 de noviembre, de Contratos del Sector Públicu.

• Aprobar la oferta d'empléu públicu según el Presupuestu y la plantiya aprobaos pol Plenu, aprobar les bases de les pruebes pa la selección del personal y pa los concursos de provisión de puestos de trabayu y distribuir les retribuciones complementaries que nun sean fixas y periódiques.

• Desempeñar la xefatura superior de tol personal, y acordar el so nomamientu y sanciones, incluida la separación del serviciu del personal funcionario de la Corporación y el despidu del personal llaboral, dando cuenta al Plenu, nestos dos últimos casos, na primer sesión que se celebre. Esta atribución entenderáse ensin perxuiciu de lo dispuesto nos artículos 99.1 y 3 d'esta llei.

• Exercer la xefatura de la Policía del Conciyu.

• Les aprobaciones de los instrumentos de planeamientu de desarrollu del planeamientu xeneral non expresamente atribuíes al Plenu, como la de los instrumentos de xestión urbanística y de los proyectos d'urbanización.

• El exerciciu de les acciones xudiciales y alministratives y la defensa del conciyu nes materies de la competencia, incluso cuando les delegara n'otru órganu, y, en casu d'urxencia, en materies de la competencia del Plenu, nesti supuesti dando cuenta al mesmu na primer sesión que celebre pa la ratificación.

• La iniciativa pa proponer al Plenu la declaración de lesividad en materies de la competencia de l'Alcaldía.

• Adoptar personalmente, y baxo la so responsabilidá, en casu de catástrofe o calamidaes públiques o riesgu grave de los mesmos, les midíes necesaries y adecuaes dando cuenta inmediata al Plenu.

• Sancionar les faltes de desobediencia a la so autoridá o por infracción de les ordenances del conciyu, sacante nos casos en que tal facultá tea atribuida a otros órganos.

• L'aprobación de los proyectos d'obres y de servicios cuando sea competente pa la contratación o concesión y tean previstos nel presupuestu.

• L'otorgamientu de les llicencies, sacante que les lleis sectoriales lo atribuyan expresamente al Plenu o a la Xunta de Gobiernu Local.

• Ordenar la publicación, execución y facer cumplir los acuerdos del Conciyu.

• El nomamientu de Tenientes d'Alcaldía.

• Les demás qu'expresamente-y atribuyan les lleis y aquelles que la llexislación del Estáu o de les comunidaes autónomes asignen al conciyu y nun atribuyan a otros órganos municipales.