La ilesia de Santa Cristina de L.lena, datada a mediaos del sieglu IX dientro del periodu ramirense del prerrománico asturiano polos paralelismos col palaciu de Santa María del Naranco (Uvieo), ye una construcción cenciella non por ello exenta d'encantu. Declaróse Padremuñu de la Humanidá pola UNESCO nel 1985.  
La ilesia sufrió la restauración más importante nel 1893, cuando Juan Bautista Lázaro, sustitúi la techumbre de madera existente por una cubierta abovedada.

Tolos años, n'honor a Santa Cristina, celébrase una romería tradicional l'últimu domingo de xuento, con una puya del ramu.

El templu:

Exterior
Consta d'un plano de cruz griega, detalle que la fai única na arquitectura asturiana.
La planta ta formada por una nave única rectangular, con estancies adosaes a cada llau: un ábside nel fondu oriental, un pórticu nel occidental y dos cámares de menor altura a los llaos. Nel pórticu occidental, ta la única puerta d'accesu, asitiada ente dos contrafuertes y rematada nun arcu de mediu puntu.
L'aspectu parezse al de les ilesias cruciformes visigodes, pero la existencia de dos contrafuertes en caún de los dieciséis planos que conformen la estuctura, otorguen a esti edificiu una imaxen mui especial.

Interior
Podemos destacar la complexidá espacial, cola configuración de la cabecera a dos altures y la tribuna a los pies.
La tribuna allárgase col gran arcu de mediu puntu y una bóveda qu'enllaza cola de la entrada. Accédese a ella per una escalera asitiada na paré izquierda de la nave.
Tola ilesia ta abovedada. El tipu de bóveda usada ye la de cañón, que descansa sobre arcos faxones reforzaos nel exterior polos contrafuertes tan destacaos. 
El suelu ta en dos altures, cola entrada más baxa respectu al altar.

Destaca tanto nel interior como nel exterior, la rica articulaculación de los muros, debida únicamente a funciones decoratives, y la presencia nos relieves escultóricos d'un programa iconográfico complexu de difícil interpretación onde destaquen la representación d'animales y guerreros a caballu.

La pieza más destacada de tol conxuntu, yá que ye única na arquitectura asturiana,  ye l'iconostasis, asitiau delantre de la capilla central actuando como pantalla ente ésta y la nave. Ta compuestu por tres arcos sobre columnes de mármol, que la construcción pue datase del sieglu X, aunque utilizando pa ello pieces procedentes d'edificaciones anteriores, como ye'l casu de les dolosíes y les plaques de cancel que son d'época visigoda. La función orixinal d'esti elementu relaciónase colos ritos litúrxicos de la época, cuando nun momentu dau de la misa colgábase un velu, que pendía de los arcos, pa ocultar l'altar a los fieles. 
No tocante a les plaques del cance, tán uníes per una placa central. Tamién tienen una inscripción que percuerre'l borde superior de les pieces. Los motivos tallaos tán fechos cola técnica de bisel.

Tarifa: 2 euros adultos; 1 euru,  infantil; 1,50 euros, grupos +20 personas

Horariu de veranu: Llunes pesllao

Martes a domingo: 11h a 13:00h / 16:30h a 18:30h

Horariu Inviernu: Llunes pesllao

Martes a domingo: 11h a 13h 

Mes de noviembre  pesllao

Pa la visita ye preciso concertar cita previa cola guardesa: Inés Faes 609 94 21 53 / 985 49 05 25