SANTA CRISTINA DE L.LENA

Padremuñu de la Humanidá (UNESCO)

Símbolu de L.lena, ye una de les ilesies más guapes del prerrománico asturiano conservada nuna contorna envidiable. Declaróse Padremuñu de la Humanidá pola UNESCO en 1.985.
De nave única, dientro del edificiu podemos distinguir claramente tres partes: una tribuna, el presbiteriu y el santuariu. Cabe destacar que separta'l presbiteriu de la ilesia y les dos plaques de canciella reaprovechaes.

Horariu de visita:

Iviernu: 11h a 13h, 16h-18h 
Veranu: 11h a 13h, 16:30 a 18:30h
Llunes pesllao
Mes de noviembre pesllao 

VIA LA CARISA

...acullá de les distancies...

D'orixe romano, ye un camín qu'une La Meseta con Asturies y pasa ente los conceyos de L.lena y Ayer.

Dende'l 2001 ta llevándose alantre una serie d'escavaciones arqueolóxiques nes que s'alcontraron ferramientes y equipamientos militares que suxeren la esistencia d'un campamentu romanu.

MAMORANA

Villa Romana

En La Vega'l Ciigu allugóse una villa romana denomada Villa Memorana. Nuna escavación del yacimientu apaeció un mosaicu de dimensiones  bien grandes que se pue visitar nel Muséu Arqueolóxicu d'Asturies. Compuestu por teseles pequeñes de diferentes colores, con imáxenes d'animales, florales, xarrones y motivos xeométricos.

CASTROS Y TÚMULOS

Son munchos los restos que se conserven nel nuestru conceyu como El Tumelín en Piedracea, el Siirru Miriu en Parana, el dólmen de La Mata'l Casar, onde apaeció un aniellu d'oru.

EDIFICIOS Y LLUGARES D'INTERÉS: LA POLA

CASA CONCEYU 

Esta construcción sustitúi al edificiu que se llevantaba na actual Plaza Alfonso X el Sabio y que foi destruíu polos acontecimientos bélicos de los años 30.
L'edificiu, obra de Francisco Pérez del Pulgar, sigue'l modelu de les casones aristocrátiques asturianes.
Inspírase nel pabellón d'Asturies pa la esposición Ibero-Americana de Sevilla de 1929, obra d'Enrique Rodríguez Bustelo. Si comparamos la fachada principal cola del pabellón sevillano, les diferencies son mínimes, siendo lo más destacado l'arcada del pórtico, onde frente a los pilares de Bustelo, Pulgar introduz columnes como elemento sustentantes y sustitúi los escudos de les torres por ventanas. Mayor diferencia supone la ruptura del aleru pa instalar el reló, elemento impuestu pola propia función del inmueble como edificiu institucional.
La Casa Conceyu de L.lena inaguróse'l 15 de ochobre de 1945.

CASA NATAL VITAL AZA

Casa natal del famosu escritor, construida a finales del sieglu XVIII o principios del XIX. Declaróse Bien d'Interés Cultural en 1980. Representa l'arquitectura típica asturiana con muros de mampostería y balcones de madera.
Esta vivienda urbana de traces populares data del sieglu XVIII y destaca pol so valor simbólicu, yá que nella nació'll poeta y dramaturgu Vital Aza.
La construcción formó parte de les dependencies ausiliares del Palacio de los Marqueses de Regueral.

VITAL AZA

Nació en La Pola L.lena el 28 d'abril de 1.851. Dende mozu participa na prensa rexonal con escritos humorísticos, influenciado pol gran ambiente lliterariu de la época n'Asturias (ye coetáneu de Clarín y de Palacio Valdés). Se tresllada a Madrid pa estudiar medicina anque enxamás exerció. La so primer obra, "Basta de Matemáticas" encuádralu como autor de comedia. Amás cultivó la poesía satírica, espublizándola en "Madrid cómico" y en "Blanco y Negro", y foi'l primer presidente y sociu fundador de la SGAE.
Morrió en Madrid el 13 d'avientu de 1.912

PALACIO DE LOS MARQUESES DE VICENTE REGUERAL (CASA BENAVIDES)

Tá allugada énte la casa conceyu. Destaca pol so volume y xardín, difícil d'alcontrar nesta fastera d'Asturies, d'estilu francés. A destacar tamién na parte trasera del edificiu el denomáu árbol del amor, vieyísimu, retorcíu y con un aspectu mui peculiar yá que dalgunes cañes tan cayíes pol pesu
Esti importante edificiu, perteneciente a una parte de la familia de los Bernardo de Quirós, ye conocíu como el "Palacio de los Marqueses de Regueral", destacando la construcción más pol so volume que por tener un peculiar estilu arquitectónciu.
Merez especial atención el xardín, obra d'un inxenieru francés que llegó a Asturies pa trabayar na Fábrica de Mieres y casóse con Doña Rosalía Bernardo de Quirós nel XIX. El técnicu llamáu Augusto Bailly, sentía gran pasión polos xardines, poro que diseñará les traces del xardín que entá güei podemos contemplar. Acondicionó l'espaciu en xeométriques parcelas, delimitaes por boj, dientro de les cuales demó numberoses especies florales. Los árboles tienen una escasa presencia predominando los magnolios. Espárdensen nel xardín otros elementos ornamentales como fuentes de fierro, cencielles pero guapes, coronaes porputti o detalles vexetales.

BARRIU LA CALEYA

Núcleu primariu de L.lena, a partir de los 90 resurde col remocique de les viviendes esistentes asina como la construcción d'edificaciones nueves. Equí allúgase l'únicu horru que queda de pie en La Pola. Actualemente ye'l sitiu de celebración del Mercáu Tradicional que se fai nes fiestes de La Flor.

HÁLITO DE L.LENA

Allugáu onde la plaza'l mercáu, nun podemos perdenos el conxuntu arquitectónicu "Hálito de Lena", obra del ceutí Diego Segura.
HALITO DE L.LENA ye una obra homenaxe, al nacimientu ca añu de la VIDA, de la enerxía vital, de la constante renovación de les actividaes. Ye'l ciclu de la primavera. La Pola cellébralo cada añu n'abril, coles fiestes de LA FLOR, herencia de los antiguos mayos celtas.

OTROS LLUGARES D'INTERÉS

ILESIA DE SAMARTINO

Declarada BIC (Bien d'Interés Cultural) en 1.982.
Aparez esta fundación citada per primer vez nun documentu del añu 905. Nel sieglo XII fízose la contrucción ROMÁNCIA, quiciabes sobre restos de dómina prerrománica.
Sufrirá renovaciones nel XVII y XIX, siéndo-y añadía en 1.911 la espadaña.
Al interior, destaquen nel prebisteriu pintures nes que se representen cuatro pareyes de santos de difícil identificación.
Lo más destacao del templu tá nel esterior y se debe a la escultura pétrea medieval. La portada llateral sur tien tolos elementos característicos del románicu. Los capiteles recueyen motivos vexetales y nos canecillos del bistechu y aleru apreciamos temes humanos y xeométricos. Pero los canecillos más destacaos son los del ábside onde contemplamos un muestrario de les preocupaciones de la dómina: un fornu alquímicu, un personaxe con una pipa vinu...

ERMINTA DE NUESTRA SRA. DE LA FLOR

Construida en 1.474, tá allugada prósima al camín que diba pal Conceyu de Quirós. Según la tradición, la capilla cuidábala un ermitañu que tenía, entre otros compromisos, la obligación de tañer la campana los díes de nublina y truena, pa orientar a los viaxeros del camín de Quirós.
La capilla ye de nave única. Destaca la ornamentación de la puerta d'estética gótica, apreciable nos tipos de moldures y nos botones del guardapolvu y la imposta. Al interior caltién un retablu obra del sieglo XVIII.
Esta Ermita es testigu, del llunes de Pascua n'ocho díes, de la cellebración de la Fiesta de La Flor. Cientos de romeros asisten a la procesión de la Virgen acompañada al son de gaita y tambor. Posteriormente, nuna xira campestre tástiense platos de la gastronomía popular como'l bollu preñáu, empaná, sidra,...

ILESIA DE SAN ANTOLÍN DE SOTIEL.LO

Esta ilesia ROMÁNICA formaba parte del monsateriu de San Antolín, fundáu na primer metá del sieglu XI.
Consta d'una sola nave rematada nuna capilla cuadrada. Destaca la portada románica con dos arquivoltes, la primera ensin ornamentación y la segunda con doble baquetón, decoráu con medies boles y una composición de zigzag. Los capiteles se decoran predominantemente con motivos vexetales.

La Ilesia d'Asilo, la Puerta del Perdón.

Ésta yera la puerta al suroeste del pórticu llateral. Sólo conserva güei les marcaciones en piedra, depués de tapiala.
Cuenten, qu'hasta escomienzos del s. XX la puerta ofrecía unos privilexos mui concretos: n'atravesándola, dalgunos malhechores arrepentios teníen la oportunidá de rexenerase y cambiar de vida, una vez acoyíos pola ilesia al traviés del ritu correspondiente y la conducta marcada pola comunidá parroquial.

O la Ilesia de San Pedro en Xomezana Riba, de nave única y con una torre adosada con arcos nes tres cares del pisu baxu y un campanariu. Destaca'l perfectu estáu de conservación del retablu recubiertu con pan d'oru como consecuencia de la presencia nel llugar de varios ricos llinaxes asturianos.

En L.lena hai una gran bayura d¿edificaciones d¿interés como pue ser la ilesia de Bendueños Santuariu de Bendueños del sieglu XVI, compónse d¿una sola nave, forna, sacristía, coru, campanariu y pórticos. Bien pudo ser sitiu d¿oración y descansu pa los pelegrinos que se dirixíen hacia¿l Salvador d¿Uvieo y Santiago de Compostela.

Tamién son d'interés les iliesies de Vil.layana, Congostinas.

Hubo en L.lena delles families pudientes, como atestigüen les abondoses casones y palacios rurales que podemos alcontrar nes distintes parroquies del conceyu.

El Palacio de Ronzón, que cuenta con capilla, horru, llagar y dellos muebles de la época.

El Palaciu de los Mendoza en Zurea que ye un conxuntu arquitectónicu del sieglu XVII concebíu como nuedu de dirección de procesos productivos compuestos por palaciu, capilla, cuadra, panera, molín...

El Palaciu de los Faes, ye una construcción del sieglu XVII en Carabanzo, del que solo queda¿l torrión y nel futuru va allugar el Centru d¿Interpretación de La Carisa.

Nun podemos escaecenos del Puente Medieval de Campumanes, más conocíu como'l Puente Romanu y el Palaciu de Revillagigedo, casi al llau de puente,...

Estos son solo dellos exemplos de la gran variedá d'edificaciones singulares del conceyu, siempre arrodiaos d'una contorna natural envidiable.