MERCAU SELMANAL

Tolos sábados, na Plaza Alfonso X el Sabiu y alredores, mercáu selmanal pela mañana y dende bien ceo.

FEBRERU

ANTROXU (La Pola L.lena)

Martes d'Antroxu, fiesta infantil de máscares nel Parque La Ería. Xuegos, música, gran batalla de farina y merengues y chicolatada.

Resaca d'Antroxu, depués de tolos antroxos d'Asturies, a la selmana y media, el sábado en L.lena, gran pasucais de carroces y mazcarites con bien buenos premios.
Hai menú d'Antroxu nos chigres y sidreríes del Conceyu.

ABRIL

FIESTES DE PASCUA (Campumanes)

Durante tola Selmana Santa, el l.lugar de Campumanes fai les populares fiestes de Pascua y el Santu Alcuentru, el domingu de pascua.

FIESTAS DE LA FLOR DE L.LENA Y MERCÁU TRADICIONAL  (Fiesta de primavera)

El fin de selmana depués de la selmana de Pascua celébrense en Ḷḷena les fiestes de la Flor. Esi fin de selmana en La Pola, pueden vese pasucais y grupos de baille, animando les calles de La Pola, y na nueche, les verbenas animen a quien s'avere a disfrutar de la fiesta.
Dende fai dellos años, esti mesmu fin de selmana organízase en La Pola un Mercáu Tradicional, con gaiteros, grupos de baille, y representaciones teatrales, confundiéndose ente les decenes d'artesanos y artesanes  d'oficios tradicionales asturianos como madreñeros, texedores, ferreros, etc... El Mercáu  conviértese nel espaciu perfectu onde prebar productos típicos asturianos nos puestos de comida, o facer una parada nel chigre y tomar una buena botellina de sidra. Les nueche disfrútense tamién coles actuaciones de varios grupos de música folk.
El llunes, ye'l día grande de les fiestas de La Flor, cuando se sube al preu cola ermita que lleva'l mesmu nome. L'actividá entama dende bien ceo, cola puya'l ramu y la misa. Romeros y romeres, col traxe asturianu, van llegando al preu, onde se disfruta d'una comida campestre a base d'empanaes y bollos preñaos, acompañaos de la tradicional sidra.  

XUNETU 

FIESTA DEL CORDERU (Prau L.lagüezos)

D'Interés Turísticu Nacional

El primer domingu de xuneto, llega la gran primer folixa del branu asturianu, El Corderu, celébrase nel Prau L.lagüezos nos llindes de los Conceyos de Quirós y L.lena. Declaróse d'Interés Turísticu Nacional nel 1.984. Romería con música tradicional, deporte rural, xuegos populares,... Y pela mañana ásense bien de corderos a la estaca que depués la xente pue prebar na típica comida campestre.

AGOSTU

FIESTES DE LA CORRONA 

El l.lugar de La Corrona, fai les sos fiestes el segundu fin de selmana d'agostu. Unes fiestes nes qu'amás del bon humor, fáise LA CARRERA DE BURROS, en defensa d'esti animal en peligru d'estinción.

FIESTES DE PAYARES

Les fiestes del l.lugar de Payares fáense a finales de agostu. Una fiesta onde s'entemez tradición, gastronomía y deporte, con una de les cites úniques nel mundu: CAMPEONATU D'ESQUÍ SOBRE YERBA. Nun la pues perder. Y si vienes tienes que correr la popular carrera de canzonciyos, bragues y sostenes.

FIESTA DE LA ESCANDA (Xomezana)

Últimu fin de selmana d'agosto, el l.lugar de Xomezana cellebra la folixa n'honor al cereal asturianu penriba too, la escanda.

SETIEMBRE

FIESTES DEL CRISTU DEL AMPARO (Vil.layana)

Fiesta que fai'l l.lugar de Vil.layana, la segunda fin de selmana de setiembre con verbenes, carrera de cintes a caballu al rodiu'l Cristu del Amparo.

FIESTA DEL CORPUS (Rospaso)

Ca añu'l 21 de setiembre, el l.lugar de Rospaso, en plenu corazón del Val.le del Güerna cellebra la tradicional Fiesta del Corpus. Ellí nun faltará gastronomía, tradición y pela nuiche la popular verbena nocturna pa nun perder pieza.

OTUBRE 

LES FERIES (Fiestes de Ntra. Sra. del Rosariu)

Fiestes patronales del Conceyu, cellebraes na cabecera, La Pola con una montonera de fechos culturales, folixeros, gastronómicos y ganaderos.
Los vienres, la preba de los Callos, como platu típicu de d'estes fiestes pa comer.

Concursu Esposición de Ganao vacuno saneao, raza asturiana.

Gran Feriona de Ganao.

Concursu Nacional d'Entibaores Puerta d'Asturies.

Verbenes, música tradicional, volaorones y fueos artificiales,...de cita obligada. 

MERCÁU DE SERUENDA (Xomezana Riba)

Con el otoño recién entrado, el último fin de semana del mes de octubre, tenemos una cita obligada en el pueblo de Xomezana Riba, en pleno corazón del Valle del Güerna.
Allí, encontraremos gastronomí con callos, pan de escanda y demás suculentos manjares, además de artesanía, música y baile con sabor tradicional.

PAYARES

FERIONA DE SAN ANDRÉS

Popular feria de ganao fecha nel recintu ferial de La Pola allugáu cerque del Barriu de Robleo.

XORNAES GASTRONÓMIQUES DEL CASTAÑU (La Pola)

Menú gastronómicu sobre'l frutu de la seruenda asturiana, verbena, xuegos populares, bail.le y música asturiana...

AMAGÜESTU TRADICIONAL (La Pola)

Una de les costumes más de temporada del conceyu. Castañes asaes y sidra dulce acompañao d'actividaes y música popular. Suel coincidir coles Xornaes Gastronómiques.

OTROS AMAGÜESTOS DEL CONCEYU:

Campumanes. Al otru sábadu del de La Pola, Campumanes celebra, na mesma llinia que La Pola, el so tradicional amagüestu.

Carabanzo. Amagüestu n'honor a la Diosa Deva con menú gastronómicu (picaíyo, güevos y patates) amás de castañes y sidra dulce y una verbena popular pa rematar la folixa.