L'Axencia de Desarrollu Local de la Montaña Central, integrada na Rede Asturiana de Desarrollu Local, ye un instrumentu de Promoción pública pal desarrollu económicu y la creación d'empléu nos conceyos de la Montaña Central d'Asturies (Ayer, L.lena, Mieres, Morcín, La Ribera y Riosa). Obxetivos:

L'Axencia de Desarrollu Local naz nel 1997, frutu d'un conveniu de collaboración suscritu ente'l Principáu d'Asturies y el Conceyu d'Ayer, en calidá de Presidente de l'Agrupación de Conceyos de la Montaña Central.

Los obxetivos que se pretenden algamar cola puesta en marcha d'esti serviciu son los siguientes:

• CONOCER la evolución y les necesidaes del mercáu llaboral local col fin d'ellaborar actuaciones, de calter xeneral o sectorial, que contribuyan al desarrollu del territoriu.
• INFORMAR de los diferentes recursos esistentes (ámbitos local, rexonal, nacional y comunitariu) que favorezan procesos de desarrollu local.
• ASESORAR a los emprendedores locales y a les empreses en tolo relativo a la constitución, marcu llegal, funcionamientu, llinies de financiación, etc.
• ACOMPAÑAR el desarrollu d'aquellos proyectos asesoraos dende l'Axencia de Desarrollu Local.
• DINAMIZAR el texíu asociativu de la Comarca, estableciendo canales de comunicación fluíos cola Axencia de Desarrollu y promoviendo la participación n'alcuentros, xornaes, feries, etc.
• INTEGRAR estratexes d'acción supralocales que permitan la cooperación ente les distintes entidaes y axentes locales.

Destinatarios

L'Axencia de Desarrollu trabaya colos colectivos siguientes :

• Conceyos de la Montaña Central.
• Promotores con una idea empresarial.
• Pequeñes y medianes empresas.
• Asociaciones.
• Desempleaos y desempleaes.
• Públicu en xeneral.

L'horariu d'atención al públicu en La Pola ye los miércoles de 9.30 a 13.30 na sede de la Xerencia del Leader, Calle Rodrígo Valdés nº 2. Teléfonu 985497191.

¿Ónde tamos?