L'ária de mocedá atiende, asesora y informa a la población moza, población moza visitante, educadores, asociaciones, families y, a la fin, cualquier persona interesada en temes de mocedá.

Ayudes pa estudios, beques, apoyu al asociacionismu, información sobre empléu, formación, vivienda, programes de tiempu llibre o salú, constituyen les áries d'interés más demandaes.

Cuenta con una Oficina Moza integrada na Rede Asturiana d'Información a la Mocedá.

Dende la Oficina d'Información a la Mocedá  atiéndense los distintos Puntos d'Información a la Mocedál (PIM), sean presenciales o n'internet, puen facese trámites tales como la obtención de Carnés pa Mozos/es (Estudiante Internacional SIC, Alberguista, por exemplu), o les inscripciones en programes autonómicos de mocedá (Culturaquí, Campos de Trabayu, etc.), coordínense actividaes del Plan sobre Drogues, y, en definitiva, trabáyase conxuntamente coles áries y servicios del ámbitu territorial pa incluir les necesidaes en materia de mocedá nes distintes axendes de trabayu (desarrollu local, educación, igualdá, empléu).