La LLINGUA ASTURIANA y les sos variantes constituyen un patrimoniu histórico-cultural que ye necesario defender y conservar. Ye un fechu evidente que la potencialización llingüística y cultural favorez la revitalización de les señes d'identidá d'un pueblu.
La necesidá 'una política llingüística naz pola situación de conflictu llingüísticu que se ta dando n'Asturies, produciéndose un billingüismu desequilibráu con una serie d'efectos negativos (interferencies, diglosia,...) pa dambes dos Ilingues: l'asturianu y el castellanu, que col pasu'l tiempu va en detrimentu de la llingua más débil: LA LLINGUA ASTURIANA.
L'oxetivu ye claru: NORMALIZACIÓN SOCIAL, ye dicir, normalizar el so usu ensin torgues, conseguir que s'use una llingua nos ámbitos sociales (la escuela, l'alministración, los medios de comunicación, nos fechos comunicativos formales y informales, nes editoriales,...) pa evitar la desaparición y desaniciu total de la llingua asturiana .
Poro, dende'l Conceyu L.lena desarróllense acciones que van camín del RESPETU, CALTENIMIENTU, ESPARDIMIENTU Y INTEGRACIÓN de la LLINGUA ASTURIANA Y LA SO VARIEDÁ L.LENIZA.
