Campañas y actividad

CAMPAÑES DE RECUPERACIÓN TOPONÍMICA:

ROTULACIÓN DE PUEBLOS Y BARRIOS (fase I, fase II, fase III, fase IV)
CARTAFUEYU DE TOPONIMIA
CATADOR DE PUEBLOS Y L.LUGARES (web del Conceyu) 
USU Y ESPARDIMIENTU de la toponímia llocal

CAMPAÑES PA TURISMU:

L.LENA COLOS SENTÍOS
EL TO CUADERNU DIDÁUTICU (Aula del Prerrománico Asturianu)
Torna y asesoramientu llingüísticu PLAN DE SEÑALIZACIÓN DEL CONSORCIU DE LA MONTAÑA CENTRAL (fastera l.leniza)
¿ENGUEDEYÉSTITE NIN? ¿ENGUEDEYÉSTITE NE?
Campaña d'Educación Sexual + Condón

¿ENGUEDEYÉSTITE NIN? ¿ENGUEDEYÉSTITE NE? 

Dende'l Conceyu de L.lena al traviés del Serviciu de Normalización Llingüísticu, ponse en marcha esta camaña d'Eduación Sexual, empobinada pa la mocedá, en formatu, estuche informativu y dientro un condón.
Nél atopamos información con señes d'interés, lo que ye y nun ye la sexualidá, mitos y verdaes al rodiu'l sexo, palabreru, información d'identidá de xéneru...
Esta campaña cumpliméntase col repartu de condones y con unos talleres d'Afectividá y Educación Sexual empobinaos palos I.E.S. y E.S.O. Y too ello en llingua asturiana.

EN L.LENA SELLAMOS N'ASTURIANU

Campaña Normalización Institucional

Dende yá mesmo, El Conceyu de L.lena, sella n'asturianu.
Primer fase: Sellos de la Casa Conceyu de L.lena (2009).

CAMPAÑES DE ROTULACIÓN DE DEPENDENCIES DEL CONCEYU

Esta campaña va empobinada pa la señalización N'ASTURIANU de les dependencies institucionales del Conceyu de L.lena. Hasta agora llevamos rotulando: 
 
 
Hotel d'Asociaciones Juan Muñiz Zapico "Xuanín" (2007)
Instalaciones Deportives y piscina climatizada (2008)
Casa de Cultura de La Pola L.lena (2009)

Casa de Cultura de La Pola, L.lena (2009)
Señalización cais de La Pola, L.lena (2009)

Casa d'Alcuentru de les Muyeres de L.lena (2010)
Oficina de Comerciu y Oficina de Ganadería (2010) 
Casa Conceyu de L.lena (2010)

TRABAYU DE NORMALIZACIÓN INSTITUCIONAL Y SOCIAL EN L.LENA

Serviciu de torna del Conceyu (Institucional y Asociaciones)
Asesoramientu socio-llingüísticu.

CAMPAÑES PAL COMERCIU:

Rebaxes

Repartu de cartelos de rebaxes pa los comercios del Conceyu L.lena acompañao de bolses.

CAMPAÑA PAL COMERCIU (fase I)

Nel comerciu asturianu yes bineveníu/binevenida

Campaña que consistió na edición de trípticos de carne, pescáu, fruta, ropa y pan y lácteos onde s'ofrecíen una riestra alimentos n'asturianu (na variedá de L.lena) y la so correspondencia en castellanu.

Repartiéronse tamién bolses al pequeñu comerciu col eslogan de la campaña. 

¡YE COMO YE!
Campaña pal Comerciu (Fase III)

El Conceyu de L.lena, al traviés del so Serviciu de Normalización Llingüística, pon en marcha la tercer campaña de promoción del asturianu nel comerciu local. Baxo'l nome "Ye como ye", la campaña ta empobinada a les fruteríes, carniceríes y pescaderíes.
 
En concreto, van distribuyise, de baldre, espetos pa poner nos productos de venta habitual nestos comercios. Estos espetos --60 diferentes-- lleven el nome del productu na variante llingüística de L.lena, col envís de potenciar la llingua patrimonial del conceyu. Asina habrá, por exemplu, cartelos colos nomes de "cebol.la", "sol.lumbu" o "adubu".
 
Pa cada sector editáronse 20 espetos diferentes, pa los que se buscaron los 20 productos más típicos que se puen atopar nuna carnicería, una frutería y una pescadería. La campaña va completase cola distribución de 21.000 bolses pa los comercios baxo'l nome "lo que necesites, lo que te presta, comerciu asturian".
 
Los oxetivos de la campaña "Ye como ye" consisten en promover l'usu del asturianu nel comerciu y na imaxe pública del sector, amás de potenciar el papel de los comerciantes na promoción y normalización del usu del asturianu nel ámbitu de les rellaciones comerciales. Tamién quier implicase a los comerciantes y a la ciudadanía na normalización llingüística del sector. Escuéyese'l comerciu pa esta iniciativa por tratase d'ún de los puntos más importantes nes rellaciones cola ciudadanía. Col pasu del tiempu observóse una perda de les referencies asturianes en determinaos campos llingüísticos habituales de l'alimentación y el comerciu. Esta campaña preséntase como una ferramienta necesaria pa evitar la perda de les pallabres propies, faciendo por caltener la competencia llingüística asturiana.

¿TÚ QUE FAES PA CUIDAR EL MUNDU?
Campaña pal Comerciu (Fase IV)

L.lena presenta al traviés del Servciu de Normalización Llingüísticu la campaña "¿Tú qué faes pa cuidar el mundu? Reduz, reutiliza, recicla".

Trátase d'una iniciativa que busca la concienciación col cuidáu ambiental, al traviés de la sustitución de les bolses de plásticu poles que se tán distribuyendo. La campaña se realiza al traviés del repartu de baldre, nos comercios del conceyu, de bolses de papel recicláu impreses con tinta ecolóxica.

El repartu de bolses va facese a los comercios y tiendes del Conceyu. Tamién pues recoyela na Casa Conceyu y nel Serviciu de Normalización.

¡QUÉ NUN T'ESFARAGUYE'L PAN!
Campaña pal comerciu (fase V)

El Serviciu de Normalización del Conciyu de L.lena, presenta la campaña "que nun t'esfaraguye'l pan", una campaña empobinada a esparder l'asturianu na variante l.leniza nes panaderíes y comercios.
 

El conciyu va poner a disposición de les panaderíes del municipiu unes bolses d'algodón rotulaes pa dar a la xente, rotulada colos términos n'asturianu, pero usando la variante l.leniza col palabreru al rodiu'l pan y les distintes clases del mesmu: bul.lu preñéu, cuirnu, resqueñu, mol.lena, pamesto...
 
L'oxetivu de la campaña, ye promocionar la llingua asturiana, na variante local y amás, el cuidaú col mediu ambiente, polo que les bolses nun son d'usar y tirar. Les bolses van dales nes panaderíes y nel Serviciu de Normalización y van ser gratuites.

ECHÁIME UNA MANO AL MUNDU: eRRe qu'eRRe (Reduz, Reutiliza y Recicla)

Bolses reutilizables, axendes y cartelos conformen el material de la campaña "Echa-y una mano al mundu" qu¿entama el Serviciu de Normalización Llingüística de L.lena. Va tar destinada a comercios de papelería, venta de prensa y similares.

 
Cola campaña nueva preténdese esparder l¿usu del asturianu a la sociedá del conceyu y tamién busca concienciar a los ciudadanos y ciudadanes sobre la importancia del reciclaxe y el cuidáu del mediu ambiente.


El material de la campaña ta formáu por bolses reutilizables, editaes nos tres colores que tamos avezaos a ver nos contenedores de reciclaxe ¿verde, mariellu y azul¿, qu¿incoporen instrucciones sobre cuála ye la manera correuta de separtar la basoria. Amás, tamién van distribuyise cartelos de la campaña y axendes ecolóxiques con conseyos pa cuidar el mediu ambiente.

EQUÍ TAS EN CASA

Campaña pa la Hostelería I

El S.N.LL. de L.lena presenta la campaña "Equí tas en casa", una campaña empobinada al sector hosteleru del conceyu. y que pretende normalizar l'usu del asturianu faciéndolu visible al traviés de material de diversu tipu pa que restauranes, hoteles, cases rurales, sidreríes, cafeterías, chigres, o centros sociales puean usar l'asturianu na rellación colos sos veceros.
 
Otru de los oxetivos de la campaña pasa por que la hostelería del conceyu se convierta n'axente dinamizador de la Llingua Asturiana, eforzándola y espardiéndola, dando seguridá y información clara. L'asturianu ye, una muestra de la personalidá de los  servicios de L.lena amás d'una ventaya competitiva, un valir añadíu pa los bares restauranes, cafeteríes y sidreríes.
 
La campaña que va repartise ente los hosteleros y hosteleres de L.lena cuenta con pegatines y carpetes cola imaxe identificativa de la campaña, mantelos individuales con testos informativo-divulgativos de la llingua asturiana o xuegos amás de rótulos identificativos pa les puertes y meses colos clásicos Acutao, homes/ muyeres o abierto /pesl.lao una rotulación a la qu'hai qu'amestar los distintivos pa l'aplicación de la nueva llei del tabacu. La llingua emplegada nos materiales ye la variante llingüísitica de L.lena.

MUÉYATE COLA LLINGUA

Campaña pa la Hostelería II

El Conceyu de L.lena, al traviés del Serviciu de Normalización Llingüística, llanza la segunda campaña pa la hostelería MUÉYATE COLA LLINGUA
 
Ún de los sectores onde la normalización del asturianu xuega un papel mui importante ye nel sector socioeconómicu polo qu'el trabayu de dignificación de la llingua asturiana que se pue facer nesti ámbitu, ye de gran valir a la hora d'afitar la normalización social del asturianu y amás nos chigres y sidreríes, col fin de que la llingua asturiana tea presente nes relaciones sociales de los y les ciudadanes potenciando asina mesmo l'usu del asturianu na imaxe pública del sector.

Esta ye la continuación de la campaña "Equí tas en Casa" que se repartió l'añu pasáu y tuvo una mui buena acoyida ente'l sector. Esti añu va facese repartu per tolos chigres del conceyu de serviyeteros (serigrafiaos con un poema d'Andrés Solar), posavasos, carteles publicitarios de la campaña y pegatines pa les máquines de tabacu relatives a la normativa vixente.

LA SIDRA, D'ASTURIES

Campaña pa la Hostelería III

La campaña "La sidra, d'Astureis", consta d'un cartel onde se puen lleer espresiones asturianes referíes a la sidra "tien pegue; fai la boca agua; ta axiblatao". Al cartel acampáñalu un llibretín, onde se esplica'l procesu de fabricación de la sidra, y un poco d'historia y espresiones sidreres. Editáronse tamién unes pegatines, pa colocar nos "nun me chisques" , nos aparatos onde s'echa la sidra.
 
La campaña empobinada a les sidreríes del Conceyu, fízose en collaboración cola Rede de Normalización Llingüística nos Conceyos, amás, de la collaboración de la Xunta pola Defensa de la Llingua Asturiana que cedió una anterior campaña "La sidra como tien que ser".
 
Dende'l Serviciu de Normalización Llingüística se pretende recuperar y afianzar el vocabulariu del mundu de la sidra que ta sufriendo un procesu de castellanización abultable nos últimos años. Yá se siente na cai que la sidra faise en bodegues envede de llagares o que s'almacena en barrica en cuenta de toneles o pipes, por exemplu.

MEDRANDO N'ASTURIANU

Campaña pa nenos y nenes de o a 3, Escueles d'Educación Infantil, mas y pas.

El Serviciu de Normalización Llingüística de L.lena, entama la campaña MEDRANDO N'ASTURIANU. Esta vez trátase de dos campañes complementaries, empobinaes a los nenos y nenes del conceyu concretamente a la población acabante de nacer: "El llibru del naciatu" y a la que s'asitia ente los 0 y los 3 años "medrando n'asturianu".
 
L'oxetivu ye trabayar por evitar que se ruempa la tresmisión xeneracional de la llingua y la cultura asturianes.
 
Ente los materiales de la campaña atopamos:  carpetes troquelaes a tou color pa guardar el restu d'elementos y con xuegos pa que los pás enrieden colos más pequeños; pegatines pal coche col eslogan "Cuidadín que voi dientro"; fiches con palabreru y el testu d'una añada de Nacho Fonseca; mididores de l'altura del guah.e o la guah.a y baberos con vocabulariu.
 
D'otru llau El llibru del Naciatu pretende rexistrar los avances del neñu o neña dende que naz y hasta los 3 años, cuntándose pal repartu cola colaboración de la escuela de 0 a 3 años y en pediatría del Centru de Salú de La Pola. Amás, va mandase un exemplar a los que vayan naciendo de L.lena.

N'ASTURIANU QUEDA GUAPO I

Campaña pa los nenos y nenes, maestros y maestres y educadores

Esta iniciativa que ta dirixida a los neños y neñes del conceyu. Consiste na edición de 6 modelos de carteles nos que se trabaya un vocabulariu mui usáu como ye: el patiu, la calle, la clase, el comeor, el bañu y el cuerpu humanu. Los carteles van repartise peles escueles del Conceyu, nes ludoteques y nel serviciu de pediatría.

 
Con esta campaña, el Serviciu de Normalización Llingüística pretende siguir reforzando la llingua de los más pequeños. Los carteles, nos que se recueye vocabulariu bien cercanu a los nenos y nenes, tienen en común l'usu de la variante llingüística de L.lena. Así, los críos del conceyu salen al preu, garren un pletu pa comer, toquen el xibletu o duel-yos el costezu.". La iniciativa pretende ser tamién una ferramienta de trabayu pa los enseñantes del conceyu, yá qu'actualmente hai bien poco material didácticu que recueya la variante llingüística del conceyu.

N'ASTURIANU QUEDA GUAPO II

Campaña pa los nenos y nenes, maestros y educadores

El Serviciu de Normalización Llingüísticu de L.lena, presenta la campaña: N'ASTURIANU QUEDA GUAPO II. Una campaña dirixía a les escueles d'Educación Infantil y Primaria del Conciyu de L.lena y a la Ludoteca Municipal. Ye la continuación a los materiales apurríos na primer campaña.
 
La serie y los materiales que s'ufierten enmárquense dientro la segunda fase del proyectu N'asturiano queda guapo, que tien por fin apurrir al profesoráu y al alumnáu d'educación infantil y primaria materiales que-yos permitan conectar col léxicu patrimonial vinculáu con dellos ámbitos: nesta edición va tratase la flora y la fauna del monte y la ribera, les estaciones, la vistimienta, la casería y el cuerpu humanu per dientro y cola peculiaridá de qu'el palabreru, úsase la variante l.leniza del Conciyu.
La Vistimenta, el calzáu y los complementos

La Vistimenta, el calzáu y los complementos 

OTRES XERES:

Xestión de subvenciones
Serviciu de torna (institucional y asociaciones y colectivos del Conciyu)
Trabayu de recuperación llingüística (variante l.leniza) 
Cuentos del Güilu
El Románicu
Música Tradicional en Conceyu L.lena (I y II)