Esti servicio dase na Casa d'Alcuentru de muyeres asitiada en:
Parque de la Ería s/n
33630, La Pola, Ḷḷena (Asturias)
Tlf: 985 49 12 23

Horariu 9:00 a 14:00. 

Asesoramientu Xurídicu

Días d'Atención Presencial: Llunes y xueves. 

Teléfonu d'Asesoramientu Xurídicu (WhatsApp):  652 383 451.

Corréu electrónicu: cam@aller.es

Asesoramientu Psicolóxicu

Díes d'Atención Presencial: Xueves. 

Teléfonu d'Asesoramientu Psicolóxicu (WhatsApp)): 684 668 797.

Corréu electrónicu: psicologacam@aller.es

ASESORAMIENTO XURÍDICU

Serviciu d'información y asesoramientu llegal, totalmente gratuitu, pa l'adecuada defensa y exerciciu de los derechos de la muyer, nos que se respeta dafechu la confidencialidá de la usuaria, al que se puede acceder con consultes personales o telefóniques.

Funciones:

1. Collaborar cola Alministración del Principáu d'Asturies y col restu de recursos locales na coordinación y seguimientu d'acciones de desarrollu de les polítiques d'igualdá y de prevención y sensibilización de la violencia de xéneru, 

2. Desendolcar dende l'ámbitu municipal, de manera conxunta colos servicios sociales xenerales, los llabores d'evaluación y información de situaciones de necesidá social como les qu'enfrenten les muyeres víctimes de violencia de xéneru. 

3. Dar información y asesoramientu xurídicu gratuito a muyeres en tolos ámbitos del derechu, y tamién cuando la so demanda tanto individual como colectiva tenga relación con cuestiones de discriminación por razón de sexu, lo qu'inclúi la recoyida y tramitación de denuncies por discriminación salarial, col oxetivu d'evitar la esclusión social.

4. Proporcionar atención integral y asesoramientu especializáu a muyeres víctimes de violencia de xéneru. En desarrollu del Protocolu Interdepartamental pa meyorar l'atención a les muyeres víctimes de violencia de xéneru, el centru asesor de la muyer va actuar como responsable de casu y tendrá'l llabor d'informar, asesorar, coordinar y facer el seguimiento de los procedimientos xudiciales y alministrativos, lo cual se concreta nes funciones que siguen: 

a) Dar información y asesoramientu xurídicu gratuitu a muyeres víctimes de violencia de xéneru.

b) Facer el seguimientu de los procedimientos xudiciales de tou tipu qu'afecten a la muyer víctima de violencia de xéneru, actuando de forma coordinada col abogáu o abogada que lleve la defensa xurídica de la muyer. El so llabor va incluir l'asesoramientu, esplicación de los distintos procedimientos xudiciales, acompañamientu nel desenvolvimientu de los mesmos y collaboración cola letrada o letráu que tenga asignáu esti llabor. Col fin de poder llevar alantre esta función, va aplicase'l protocolu de collaboración col Turnu d'Oficiu especializáu en violencia de xéneru del Colexu de l'Abogacía de Xixón y del Colexu d'Abogaos d'Uviéu.

c) Realizar la coordinación y seguimiento cola totalidá de recursos d'atención a muyeres víctimes de violencia de xéneru. 

5. Acreditación de la condición de víctima de violencia de xéneru prevista nel artículu 23 de la Llei Orgánica 1/2004, de 28 de diciembre, de Midíes de Protección Integral contra la Violencia de Xéneru.

6. Acreditación de situaciones de riesgu de trata, esplotación sexual y situaciones de vulnerabilidá de muyeres en contestos de prostitución pal accesu a midíes d'apoyu habitacional y económicu, previu informe de les entidaes que trabayen na materia. 

ASESORAMIENTU PSICOLÓXICU:

Servicii d'atención, apoyu y acompañamientu psicolóxicu a muyeres víctimes de violencia de xéneru. Gratuito dafechu, pa l'adecuada defensa y exerciciu de los derechos de la muyer, nos que se respeta dafechu la confidencialidá de la usuaria, al que se puede acceder con consultes personales o telefóniques.

Funciones:

1. Realizar la valoración de la demanda y de les necesidaes individuales de cada muyer.

2. Proporcionar apoyos na relación de cada muyer coles fíes y fíos depués de la ruptura o separación.

3. Proporcionar apoyu a menores víctimes de violencia de xéneru y a fíes y fíos güérfanos de víctimes de violencia de xéneru.

4. Proporcionar información y asesoramientu a familiares y amistaes cercanes a muyeres víctimes de violencia de xéneru en casu de ser preciso.

5. Garantizar apoyu psicolóxicu énte situaciones d'abusos y/o agresiones sexuales o cualquier tipu de violencia sexual contra les muyeres. En casu d'agresiones o abusos sexuales, ha actuase de forma coordinada col Centru de Crisis pa víctimes d'agresiones sexuales del Principáu d'Asturies, realizando la derivación de los casos.

6. Valorar la necesidá de derivación a servicios especializaos na atención a muyeres víctimes de violencia de xéneru.

7. Diseñar y implementar programes de sensibilización y formación pa la promoción de la igualdá y la prevención de la violencia de xéneru, pa los Conceyos del ámbitu territorial del centru asesor.

8. Realizar la coordinación y el seguimiento de cada casu col serviciu d'asesoramientu xurídicu, como cola totalidá de recursos d'atención a muyeres víctimes de violencia de xéneru, pa realizar una intervención multidisciplinar: servicios sociales; salú; fuerces y cuerpos de seguridá del estáu; rede de cases d'acoyida, empláu; etc.