Dirección

CENTRO MUNICIPAL DE SERVICIOS SOCIALES
C/ El Llerón 1
33630 La Pola (Asturies)
Tfno.: 985 49 28 60
Corréu: pdrogas@aytolena.es

Visita'l nuestru Blogue: www.plandrogaslena.com

¿QUÉ YE'L P.M.P.D. (PLAN MUNICIPAL DE PREVENCIÓN DE DROGODEPENDENCIES)?

Ye una iniciativa del Conciyu de L.lena, que tiene como finalidá promover y apoyar, nel nuestru conciyu, acciones que contribuyan a eliminar o reducir los problemes relacionaos coles drogues.

El Conciyu cuenta con una subvención de la Conseyería de Salú del Principáu d'Asturies pal desrrollu del Plan. Funcionalmente, el Plan depende de la Conceyalía de Bienestar Social y dispón nel Centru Municipal de Servicios Sociales de personal técnicu que s'encarga de coordinar les actividaes que se llevan alantre, nes que participen otros departamentos del Conciyu y otres instituciones y colectivos de L.lena.

L'obxetivu prioritariu del Plan ye la prevención, quier dicise, lo que podemos facer pa evitar el problema coles drogues.
La base de la prevención ye la formación integral de les persones y la promoción de la salú;trátase de facer lo posible pa facilitar que les persones escueyan estilos de vida saludables.
Prevenir ye una tarea colectiva. Pa que la prevención resulte eficaz ye imprescindible'l trabayu conxuntu y coordináu ente los axentes sociales: les families, los centros escolares, los servicios de salú, les árias municipales,...

¿QUÉ RECURSOS OFREZ?

Una de la funciones del PLAN MUNICIPAL sobre DROGUES ye poner a disposición de les ciudadanes y ciudadanos los recursos necesarios pa que puedan collaborar na prevención:

• INFORMACIÓN Y ORIENTACIÓN sobre temes relacionaos coles drogues y la prevención.
• FORMACIÓN: cursos de prevención dirixíos a les families (educación infantil, educación na adolescencia,...); cursos pa los mediadores sociales (monitores de tiempu llibre, miembros d'asociaciones y otros grupos)
• APOYU A LOS CENTROS ESCOLARES en proyectos d'Educación pa la Salú y la prevención de les drogodependencies.
• INFORMACIÓN sobre recursos pa dexar de fumar.
• DOCUMENTACIÓN especializada sobre Educación pa la Salú y Prevención.
• COLLABORACIÓN con asociaciones y otres entidaes n'Educación pa la Salú y prevención de les drogodependencies.