ALLUGAMIENTU Y CONTACTU

C/ Alfonso Llanes Alonso,5
33620, Campumanes, Ḷḷena (Asturies)
Tfnu.: 985 49 62 64
Corréu: clcampomanes@aytolena.es
Facebook: @LenaCultura
Twitter: @LenaCultura
Instagram: @LenaCultura
Blog: Desde La Casona

HORARIU

Ḷḷunes, miércoles y vienres 10:00 a 13:00.
Ḷḷunes a viernes de 16:00 a 20:00.
Branu (xunetu): de 10:00 a 14:00. (Agostu pesḷḷao)

LA CASONA (dende'l sieglu XVI)

La casa de los Llanes-Posada o de Llorián, llamada popularmente “La Casona" de Campumanes” o “casa de la güertona” yera una casa rural del s. XVI. Abre les sus puertas al públicu'l 22 de setiembre de 2011 cola intención siguir dinamizando  esta parroquia (la segunda más poblada del municipio) y meyorar los servicios culturales que se venían prestando dende'l 25 de marzo de 1989 na C/ El Portalón 21 (Anguaño local vecinal).

L'edificiu ye de  planta cuadrada, con pórticu sostenido por dos columnas  circulares toscanas de madera y sobre él la galería acristalada. En dicho pórtico se conserva, encima de la puerta principal, el escudo de los Campomanes, que es también el escudo del pueblo de Campumanes y una inscripción de 1890 de una posible reforma.

L'edificiu ye de planta cuadrada con pórticu sosteníu por dos columnes  circulares toscanes de madera y sobro él la galería acristalada. En dichu pórticu caltiense, enriba de la puerta principal, l'escudu de los Campomanes, que ye tamién l'escudu del ḷḷugar de Campumanes y una inscripción de 1890 d'una posible reforma.

Parez ser que Xovellanos agospióse en La Casona acullá por 1793, cuando se facía la carretera que xuniría Asturies cola meseta. En su obra “El diario de los viajes” diz: “En el lugar de Campumanes… tuvimos, entre otras cosas, regaladísimas truchas, buena leche y excelente fruta…” y describe asina La Casona: “Se ve desde la posada la garganta que sube al puerto de La Cubilla, y por la cual baja el río…” y tamién: “El tillado, que está sobre un portal abierto, no tiene barrotes, y entre tabla y tabla puede pasar una nuez. Por lo demás no es tan mala la presente…La casa es propia del marqués de San Esteban…”

L'inmueble tuvo ocupáu por tropes durante la Guerra Civil española, llueu'l so abandonu foi total y motivu de cuentos y mieos infantiles: como que taba ocupada por una pantasma, o que había nella un pasadizu baxu tierra que la comunicaba col Palacio de los Revillagigedo a unos cien metros de la mesma.

LA REHABILITACIÓN

La rehabilitación empecipiño nel añu 2007  al cargu d'una subvención de más de mediu millón d'euros del proyectu PRODER II de la comarca de la Montaña Central y completóse con otra de más de 50.000 € del plan anticrisis rexonal, Plan A, col que s'esaniciaron les barreres arquitectóniques y otra de 70.000 € pa equipamientu. Afectó tantu al interior como al esterior del inmueble. Los escudos d'armes, les galeríes y les portalaes son dalgunos de los símbolos que fueron respetaos n'atención a la so importancia histórica y singularidá.

La obra foi realizada gracies a que La Casona foi donada pola familia de D. Alfonso Llanes Alonso al Conciyu Ḷḷena cuando ésti adquirió los terrenos pa les viviendes sociales, y en reconocencia concedióse-y el nome a la cai.

DIRECTORIU

La Casona, de planta cuadrada, consta de planta baxa, planta primera y so cubierta, xuníes ente sí por una escalera y un ascensor que cumple los requisitos d'accesibilidá pa persones con movilidá amenorgada.

Na PLANTA BAXA, cola entrada principal so la galería, tien tamién una entrada llateral con rampa d'accesu,  asítiase un ampliu hall onde s'alluguen: la sala de prensa d'adultos y que ye de la mesma  sala d'esposiciones temporales, los aseos (unu d'ellos accesible) y a la derecha un  modernu salón d'actos con capacidá para 50 persones  dafechu forníu con proyeutor, pantalla y mesa de mezcles.

Na PLANTA PRIMERA atópase'l centru de ḷḷectura distribuyíu nes distintes secciones de la biblioteca, yá que ocupa tola so totalidá, más de 150 metros cuadraos. La zona de control y de xestión alministrativa atopar nel centru  de la planta: de frente a ella allúgase la zona infantil (con 8 puestos de ḷḷectura) y la xuvenil (con otros 8 puestos), a la derecha y aisllada del restu de la biblioteca atopa la sala d'adultos, que ye de la mesma sala d'estudiu, que cunta con 16 puestos de ḷḷectura. Como singularidá toles zones tienen accesu directu a les galeríes, asitiaes: una d'elles, abierta, percuerre tol llateral esquierdu de la casa, y l'otra na fachada principal, onde s'atopen allugaes la sala d'ordenadores y la sala de publicaciones periódiques infantil-xuvenil. Ye esta galería, amplia y lluminosa el llugar preferíu polos usuarios, tien 6 puestos d'ordenadores y 14 puestos de ḷḷectura.

Na ÚLTIMA PLANTA, so cubierta, allúgase l'almacén y un aula onde se lleven a cabu los distintos talleres que se desenvuelven a lo llargo del añu.