El Teatru Vital Aza constrúyese nos años 50 col oxetivu de tener una mayor ufierta d'ociu na comarca, proyectando su primera película, "Duelo al sol" el 5 d'agostu de 1954.

Tres cuasi mediu sieglu d'activdá, na que la familia Pesquera de Mieres ocupóse de la su xestión, la última película de cine comercial foi "Días contados" en la madrugada del 24 de julio de 1995. 

En sesión plenaria de1 de xienru de 1997, el Conciyu de Ḷḷena alcuerda mercar la propiedá del teatru pa más llueu, refacelu de nuevu.

Depués d'un tiempu nel que se desenvolvieron delles actividaes culturales entamaes pol Conciyu de Ḷḷena, zarra definitviamente les puestes n'ochobre de 1999 col pregón de "Les Feries" del escritor Pepe Monteserín.

El 21 de payares del año 2000 se suscribe'l Conveniu de Collaboración ente'l Principáu d'Asturies, al traviés de la Conseyería d'Eduación y Cultura, el Conciyu Ḷḷena y Cajastur, pa la rehabilitación del mesmu (B.O.P.A. núm. 297, de 26-12-2000).

Con fecha de 19 de `payares de 2001 róblase'l conveniu específicu de collaboración ente l'Almistración del Principáu d'Asturies y el Conciyu Ḷḷena pa la execución de proyectos locales incluyíos nel Plan Complementariu de Reactivación de les Comarcas. Mineras 2001-2005.

Les obres, baxo'l proyectu del Arquitectu municipal D. Manuel García escomiencen en xunu de 2002 y acaben en setiembre de 2004.